Popular Bible Verses from Intangiriro 32

શેર કરો

Uwo mugabo aramubwira ati: “Ntuzongera kwitwa Yakobo ahubwo uzitwa Isiraheli, kuko warwanye n'Imana n'abantu ugatsinda.”

Uwo mugabo aramubwira ati: “Ndekura ngende dore buracyeye.” Yakobo aramusubiza ati: “Sinkurekura utampaye umugisha.”

ariko we yisigarira aho. Nuko haza umugabo barakirana bageza mu museke.

Yakobo aratangara ati: “Narebanye n'Imana sinapfa!” Ni cyo cyatumye aho hantu ahita Penuweli.

Uwo mugabo abonye atari butsinde Yakobo, amukoma ku nyonga y'itako rikuka bagikirana.

Undi aramubaza ati: “Witwa nde?” Aramusubiza ati: “Nitwa Yakobo.”

Yakobo aramubwira ati: “Ndakwinginze mbwira izina ryawe.” Undi aramusubiza ati: “Urarimbariza iki?” Aho kurimubwira amuha umugisha.

Jyewe umugaragu wawe, sinari nkwiriye ineza n'umurava wangiriye. Dore nambutse ruriya ruzi Yorodani mfite inkoni yanjye gusa, none ngarukanye n'umutungo nagabanyijemo amatsinda abiri!

Uhereye ubwo Abisiraheli ntibarya inyama iri ku nyonga y'itako, kuko ari ho Imana yakomye Yakobo.

Yakobo arasenga ati: “Mana ya sogokuru Aburahamu, Mana ya data Izaki, nyumva. Uhoraho, warambwiye uti: ‘Subira mu gihugu cyawe no muri bene wanyu, nanjye nzakugirira neza.’

Ndakwinginze unkize mwene data Ezawu, kuko ntinya ko yanyicana n'abana na ba nyina.