Popular Bible Verses from Louka 17

શેર કરો

Oun yob penas ap kol morsheste: “Ste pre, oun dja khere! Tiro patsepen kras tout sasto.”

Te krell lo efta kope ap o dives čilačo koova ap toute, oun te vell lo efta kope pash toute oun penella, kay les kova khaytella, yaake ab bouder gar rhoyedo ap leste!”

Yek lendar, har yob dikas, te hi lo sasto, djas lo pash o Yezouseste pale pale, oun sharas o Debles o tselo djiyeha. Yob vitsras pes glan o Yezouseskre pire tele, oun parkras pes. Kova his i Samaritari.

Denn yak ap t'mende! Te krell tiro phraal čilačo koova ap toute, pen leske, kay kova gar mishto hi, hoy yob kras! Te khaytell les ko čilačo koova, hoy yob ap toute kras, yaake ab bouder gar rhoyedo ap leste!

Koy penas o Yezous: “Deesh van sasto. Kay hi kol vavar enya?

Koy penas o ray Yezous ap lende: “Te vals t'maro patsepen ninna tikno har i senftikro djob, nay penans t'mer ap ko baro rouk: Vitse tout an o pani! Oun ko rouk shounals ap t'mende.”

Koon kamell peskro djipen te rikrell, kova nashrell les. Koon peskro djipen nashrella, kova lell les pale.

Oun o Yezous penas ap peskre malende: “Čačepah, menshe venna, kay kamenn t'men o Debleskro dromestar tele te anell. Bibarht ap koleste, kay kova krella! Koleske vals feteder, te vell leske i pharo bar troul i meen pandlo, oun te vell lo an o baro pani vitsedo, te nay anell lo bouder gar yekes kal tiknendar ap o čilačo drom.

Ap ko tsiro, kay o Mensheskro Čavo pale vella, djivenn i menshe yaake har an ko tsiro, kay o Noah djivas. Kol menshe rhan, piyan, oun romedineran, bis ap ko dives, kay o Noah an o panyeskro kheer djas, oun o baro pani vas, oun lauter tassan le.