Popular Bible Verses from Yohanni 19

શેર કરો

Har piyas o Yezous koy shoutli mool, penas lo: “Me krom lauter, hoy hounte krom.” Oun yob čivas peskro shero glan tele, oun meras.

Pal kova, har o Yezous djinas, kay yob halauter kras, penas lo: “Man hi troush!” Kova penas yob, te vell kova čačo, hoy an o Debleskro lab glan-vi penlo vas.

Har o Yezous peskri dat dikas oun pash late peskro males, koles, kay yob o djiyestar kamas, penas lo ap peskri date: “Romniya, dik, kova hi kanna tiro čavo!” Ap peskro maleste penas lo: “Dik, koya hi kanna tiri day!” Koy las ko maal lat pash peste an peskro kheer.

Har yon pash o Yezouseste van oun dikan, kay yob moulo hi, phagan yon leskre herya gar. Yek kol lourdendar das les peskro rhareha an i rig čourye. Koy vas pani oun rat vin.

Kova vas halauter yaake, har an o Debleskro lab glan-vi penlo vas: Kek kokalo vas leske phagedo, oun ninna: Yon dikenn koles, kay dan le an i rig čourye.

Oun yob hidjras peskro troushel, oun djas dran ko foro vin ap ko kotar them, hoy kharella mouleskro shero. Kova kharella ap o biboldengro rakepen Golgata .

I lourde pandan soubyengre kashta khetne oun čivan len leske ap o shero yaake, har i baro ray hidjrell shereskro sonakay ap peskro shero. Oun yon čivan leske i loli rayeskri plaashka trouyel.