Popular Bible Verses from Yohanni 17

શેર કરો

Mouk len tiro čačepen te dikell, te djivenn le pengro tselo djipen touke kokres! Tiro lab hi o čačepen.

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Me mangau gar lenge kokres. Me mangau ninna kol menshenge, kay shounenna, hoy yon mandar penenna, oun dran kova ap mande patsenna. Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Me mangau toutar gar, te less len tou dran kay phoub vin. Me mangau tout, te rikress tou o benges lendar pale.

Me dom len ko raylepen oun koy zoor, hoy tou man dal, te venn yon yek, yaake har mer yek ham. Me djivau an lende. Oun tou djiveh an mande. Yaake te venn yon yek. Oun i menshe dikenna, kay tou man bičral, oun kay tou len yaake kameh, har tou man kameh.