Popular Bible Verses from Phŭn Blŭng 17

શેર કરો

Pah Abram hmâo ayŭ 99 thŭn, Yêhôwa pơƀôh br̂ơi Abram ƀôh ñu, nŭn ñu pơhiăp hr̂ŏm Abram: «Kâo Ơi Adai Yang Kơtang Hloh, br̂ơi ih bat hr̂ŏm kâo, dăp ngă hiam tôm-tĕč he mơ̆n

Ƀŏ ih r̂ăng bĭ iâo “Abram” dŏng tah, r̂ăng ti iâo ih “Abrahăm” dŏng, yua kâo bơdŏ br̂ơi ih jr̂ŏng ma môt sô̆n-sat pơkŏn-pơkŏn lô-lĭn.

Kâo ti kă klơi uăn bơgop kâo hr̂ŏm ih dăp djuoi ih dơdơi kơñ he mơ̆n, tui tam nôk gơñu, klơi uăn bơgop ne ti dŏ nao-nao hayoh, kâo yơh Yang ih dăp djuoi ih dơdơi kơñ he mơ̆n.

«Gah kâo, klơi uăn bơgop kâo kă hr̂ŏm ih hla ne: Ih ti jr̂ŏng ma môt sô̆n-sat pơkŏn-pơkŏn lô-lĭn.

Nŭn Ơi Adai pơhiăp glaĭ: «Bĭ ôh! Sara bơnai ih yơh ti pơpôn nă đahkơi br̂ơi ih, nŭn ih ti iâo ƀŏ ñu “Isă.” Kâo ti kă klơi uăn bơgop kâo hr̂ŏm ñu, klơi uăn bơgop nŭn ti dŏ nao-nao hayoh hr̂ŏm djuoi ñu dơdơi kơñ.

Kâo ti pha br̂ơi ih bih lŏn-ia Kanan, lŏn-ia ih dŏ dăng ne, kâo ti br̂ơi ih dăp djuoi ih dơdơi kơñ, čiăng gơñu hmâo lŏn-ia ne nao-nao hayoh. Kâo yơh Yang môt gơñu.»

Pah anŭn Abrahăm kô̆p kŏ tơl pơ kơnah, dăp klao, jr̂ŏng nŭn ñu khư̆t tăm bŭt: «Hiư̆m, đahkơi hmâo ayŭ 100 thŭn boih, dŏ thâo hmâo nă mơ̆n ah? Hiư̆m, Sara, ñu hmâo ayŭ 90 thŭn boih, ñu dŏ thâo pơpôn nă mơ̆n ah?»

Jr̂ŏng nŭn Ơi Adai pơhiăp hr̂ŏm Abrahăm dŏng: «Gah Sarai bơnai ih, ih anăm iâo ƀŏ ñu “Sarai” dŏng tah, yua kâo iâo kr̂a ƀŏ ñu “Sara” yơh.

R̂ăng ti tr̂ĕ br̂ơi klĭ dơdŭ ia djă gô-ih, čiăng gô-ih ƀôh jel mơ̆ng klơi uăn bơgop kâo kă hr̂ŏm gô-ih.

Plai klơi uăn bơgop dŏng, kâo ti kă hr̂ŏm Isă, nă Sara ti pơpôn br̂ơi ih, thŭn dơi kơñ tơl yan ne.»

Bih nă đahkơi-đahkơi tăm môt gô-ih tơgr̂ư̆ nôk, tơl a pơpôn r̂ai ñu, kloh păn r̂ơi boih, r̂ăng ti tr̂ĕ br̂ơi klĭ ñu, wŏt nă đahkơi a pơpôn mơ̆ng sang ih, lơ đahkơi ih blơi mơ̆ng môt sô̆n-sat pơkŏn bĭ djơ̆ djuoi ih pô ơ mơ̆n. Dăp đahkơi hlŭn a pơpôn mơ̆ng sang ih pô, dăp đahkơi hlŭn ih blơi mơ̆ng len ơ mơ̆n, br̂ơi r̂ăng tr̂ĕ br̂ơi klĭ gơñu soh-sel, čiăng klơi kâo uăn bơgop hr̂ŏm gô-ih dŏ tăm dr̂ơi-jĕn gô-ih nao-nao hayoh.