Popular Bible Verses from Lukì 17

શેર કરો

Tɔ̀un, è dzin kpir'la rà ci: «Fù a waa, wo ɲɛn niì fau mun na, tà wo tsiu.»

Arì à kɛ̀nsɛɛn ye fìrì jaa ɲɛ̀ɛ̀nun nì fa a re bwèy sɔɔ̀n doùn, è na dzin a ra à soo soo sapɛ ɲan, ci wo fìriu, è sèè bo à kpɛyn, a yɛrɛ to à re.»

Tɔ̀un, è ɲan, mòò sɔn yè e yɛrɛ cɛrɛmabeuma jàu min niì, è kpɛyn sèè, è tsoo dzi ɲɛn naà Ŋaablà tsɛ, Yesù kpàkèrè fààn na. À nàu wɔ Yesù tsɛ min niì, è kunun gban à bììn, è jaà kuu dzùà tsɛ, è tswɛ̀y fa à re. Jàa tɔ̀ kpir'la na Samarika rii.

Ye e yɛrɛ kun. A modzìnsia ye fìrìgoo fa, à re fìr'là dè à ra. À y'a jà wo fìriu, è sèè bo à kpɛyn, a yɛrɛ to à re.

Yesù yè dzin tɔ̀un ci: «Mòkun tsyeùn nì na cɛrɛmabe gbɛ ? Dzyee kyèèroòn do, twɛy to ni min na ?

Tsìfaà yè dzin è ra ci: «Kaanindzian blàbee ni nìi tsuru, ye ɲɛn niì faɔ̀ Ŋaablà ra, tɔ̀ ye ba na tɔ̀ boò, ye na dzia dzin nèe gɔ̀ɔ̀ku rèe rà, ci à ko e jii rèè sa yeè fù, yè bè e tsi kòòyu rɔn, à to na nà ye vu kun.»

Àwà wo mòò riì ci wo y'à xɔɔn tsimà gaa, wo nà fɔn à ɲan. Wo mòò riì to nà fɔn a xɔn nɔn, wo nà à màrà tsùù.

Tà shɔ̀ùn, Yesù yè nà dzin e re kàràndzin neè rà ci: «Goo nìi mòò sàn fìr'la, tà goo na do jàa waa. Ŋà, wo mòò riì bàa tsoo, tɔ̀ yeè mòò tàrà, wo raà barau. Yè ba zhi kpaa bla shiɔ̀ a vu ra, yè b'à maa kòòyu rɔn tɔ̀ ka, tɔ fyan, e bà tsoo tà goò yè twɛy dziinkòòmɛ̀yn neè tsuru mòò sɔn tàrà.

Goo nìì reè fau Nuùn bwèy, twɛy tsur'lì nà fa Adamà dziàn raa jisee reè sa doùn. Nuùn naa bwèy rɔ̀n, mòdzian tou ɲwɛɛ̀n nà, yè to mìɛn nà, yè to furu faa rà, yè e dzin nèè fur'la kpiri ì mà. È tɔ̀ fau fur'lu, fɔ jisee riì Nuùn dɔ̀un konkoron blaa doùn, ŋaa brìsià yè nà, yuà yè è sapɛ ɲɔn.