Popular Bible Verses from یُوحنّا 6

શેર કરો

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

کیوں جو میڈے بھیجنڑ آلے دی مرضی ایہ ہے جو جیہڑا کوئی پوتر کُوں ڈیکھے تے اُوندے اُتے اِیمان گِھن آوے او ہمیشاں دی زندگی پاوے تے مَیں اُونکُوں قیامت آلے ڈینہہ ولا زندہ کراں۔“

یسُوع جواب ڈِتا، ”خُدا دا کم ایہ ہے جو جِینکُوں اُوں بھیجیا ہے، اُوندے اُتے اِیمان گِھن آؤ۔“

جِتی لوک باپ میکُوں ڈیندے، او میڈے کولھ آسن تے جیہڑا کوئی میڈے کولھ آسی مَیں اُونکُوں ہرگز نہ کڈھیساں۔

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

مَیں او زندگی دی روٹی ہاں جیہڑی اسمان کنُوں لتھی۔ جے کوئی اِیں روٹی ءچوں کھاوے تاں ہمیشاں تئیں زندہ راہسی۔ ایہ روٹی میڈا گوشت ہے جیہڑا مَیں ساری دُنیا دی زندگی کیتے ڈیساں۔“

میڈے کولھ کوئی نئیں آ سگدا جئیں تئیں باپ جئیں میکُوں بھیجیا ہے اُونکُوں چھیک نہ گِھنے، تے مَیں اُونکُوں قیامت آلے ڈینہہ ولا زندہ کریساں۔

کیوں جو خُدا دی روٹی او ہے جیہڑی اسمان کنُوں لہہ تے دُنیا کُوں زندگی بخشدی ہے۔“

زندگی دی روٹی مَیں ہاں۔

یسُوع او روٹیاں گِھدیاں تے خُدا دا شُکر ادا کیتا تے اُنہاں ءچ جیہڑے بیٹھے ہَن وَنڈ ڈِتیاں۔ تے اِینویں ای مچھیاں وی جِتّی جِینکُوں ضرورت ہئی وَنڈ ڈِتیاں۔ جِیں ویلے یکے لوک پیٹ بھر تے کھا چُکے تاں اُوں آپنڑے شاگرداں کُوں آکھیا جو ”بچے ہوئے ٹُکڑیاں کُوں جمع کر گِھنو تاں جو کُجھ وی ضائع نہ تھیوے۔“

بس جِیں ویلے او کشتی کُوں چلیندے چلیندے ترے چار مِیل اگُوں نِکل آئے تاں اُنہاں یسُوع کُوں جھیل اُتے ٹُردے تے کشتی دے نیڑے آندے ڈِٹھا تے ڈر گئے۔ پر اُوں اُنہاں کُوں آکھیا، ”ڈرو نہ، مَیں ہاں۔“