Popular Bible Verses from یُوحنّا 19

શેર કરો

بس جِیں ویلے یسُوع او سِرکہ پِیتا تاں آکھیا جو ”سبھ کُجھ پُورا تھی گِیا،“ تے سر جُھکا تے جان ڈے ڈِتی۔

اِیندے بعد جِیں ویلے یسُوع جاݨ گِھدا جو ہُنڑ سارے گالھیں پُوریاں تھی گئیاں ہِن تاں جو خُدا دے کلام دا لِکھیا پُورا تھیوے تاں آکھیا، ”مَیں ترِسّا ہاں۔“

یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء! ڈیکھ ایہ تیڈا پوتر ہے۔“ وَل شاگرد کُوں آکھیا، ”ڈیکھ ایہ تیڈی ماء ہے۔“ تے اُوں ویلے کنُوں ای اُوں شاگرد اُونکُوں آپنڑے گھر رکھ گِھدا۔

پر جِیں ویلے اُنہاں یسُوع دے کولھ آ تے ڈِٹھا جو او تاں مر گِیا ہے تاں اُوندیاں جنگھاں نہ بَھنیاں۔ پر اُنہاں ءچوں ہِک سپاہی نیزے نال اُوندی پسلی چھیدی تے فوراً خون تے پانڑی واہنڑ پے گِیا۔

ایہ گالھیں اِیں واسطے تھیّاں جو خُدا دے کلام ءچ لِکھیا ہویا پُورا تھی ونجے جو ”اُوندی کوئی ہڈی تروڑی نہ ویسی۔“ تے خُدا دا کلام ہِک بئی جاہ تے آدھے جو ”جِینکُوں اُنہاں چھیدیا، اُوندے اُتے نِگاہ کریسن۔“

تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔

سپاہیاں کنڈیاں دا تاج بنڑا تے اُوندے سر اُتے رکھیا تے اُونکُوں جامنی چوغہ پوایا۔