Popular Bible Verses from اعمال 1

શેર કરો

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اُوں اُنہاں کُوں آکھیا، ”اُنہاں وقتاں تے معیاداں کُوں جاننڑاں جِنہاں کُوں باپ آپنڑے اِختیار ءچ رکھے، تُہاڈا کم نئیں۔

جِیں ویلے او اُنہاں دے نال ہا تاں اُوں اُنہاں کُوں حُکم ڈِتا، ”یروشلیم کنُوں باہر نہ وَنجائے بلکہ باپ دے اُوں وعدے دے پُورے تھیوݨ دا اِنتظار کرائے جِیندا ذِکر تُساں مَیں کنُوں سُنڑ چُکے ہیوے۔ کیوں جو یُوحنّا تاں پانڑی نال بپتسمہ ڈِتا پر تُساں تھوڑے ڈینہاں دے بعد رُوح القُدس نال بپتسمہ پےسو۔“

ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔

ایہ آکھ تے او اُنہاں دے ڈیدھے ڈیدھے اُتے چا گِھدا گِیا تے بدّل اُونکُوں اُنہاں دے اکھیں کنُوں لُکا گِھدا۔

او حالی تئیں اُونکُوں اسمان دو ویندے ہوئے غور نال ڈیدھے پئے ہَن جو ڈیکھو ڈُو مرد سفید پُشاک ءچ اُنہاں دے کولھ آ کھڑے تھئے، تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“