Popular Bible Verses from मत्‍ति 5

શેર કરો

कालाउ हासु बुङ गिसा जोलाइतेङ पाथिहोइ माथुम्‍खे। कालाउ बुङ चेरादानिता ताअ्‌खे रो सिता हिका झाराङको भाअ्‌सिङ इङको फाइसालाम पिखे। एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

“नेलाइ सुमिङको जोल्‍का हिसुन्‍हा। आरदाङता योम्‍पाका पुर माम्‍होनावा

चोखो मन हिकालाइ सहसाम्‍पा निङकालाइ जेनावा, हाइदोनु एम्‍बालाइ परमेस्‍वरहेङ तिनावा।

धरमकाम पालि लाल्‍सा पाकालाइ सहसाम्‍पा निङकालाइ ज्‍यावा, हाइदोनु एम्‍बालाइको लाल्‍सा पोङघावा।

कालाउ बुङ का नेलाइहेङ दोअ्‌खा, ताइको दुस्‍मनहेङ माया पासु रो नेलाइहेङ सान्‍ताइकालाइको भाअ्‌सिङ पुकार पासु।

“परमेस्‍वरको आगाता ताइमिहेङ हाइदोङ माको दोअ्‌तेङ फोमपाकालाइ सहसाम्‍पा निङकालाइ ज्‍याङ, हाइदोनु सादेलको सारभि एम्‍बालाइको ज्‍यावा।

मिलाप पापिकालाइ सहसाम्‍पा निङकालाइ ज्‍यावा, हाइदोनु एम्‍बालाइ परमेस्‍वरको चानचामिन्‍दि गेलाइ दोअ्‌न्‍हावा।

सुर्ता पाकालाइ सहसाम्‍पा निङकालाइ ज्‍यावा, हाइदोनु एम्‍बालाइ सुबिस्‍ता निनावा।

धरमकाम पानाङसिङ सान्‍ताइन्‍हाकालाइ सहसाम्‍पा निङकालाइ ज्‍यावा, हाइदोनु सादेलको सारभि एम्‍बालाइको ज्‍यावा।

दायाकालाइ सहसाम्‍पा निङकालाइ ज्‍याङ, हाइदोनु एम्‍बालाइ दाया निनावा।

“सहसाम्‍पा निङका नेलाइ, जेलाउ द्‍याङगेलाइ काङको भाअ्‌सिङ नेलाइहेङ निन्‍दा पावा, सान्‍तायावा रो ढाटाइतेङ नेलाइको खिलापता गोताङ खालको मारेम्‍का काथा दोअ्‌तावा। कालाउ हेन्‍जा लेङचासु, हाइदोनु सादेलता नेलाइको इनाम बाराका ज्‍यावा। हाइदोनु एसादोङ नेलाइखान्‍तेङ लाम्‍फासोङ आगाधुइकालाइहेङ बुङ सान्‍ताइका हिघाखे।

नोइकालाइ सहसाम्‍पा निङकालाइ ज्‍यावा, हाइदोनु सुमिङता हिका गोताङ चिज एम्‍बालाइकोङ ज्‍यावा।

“नेलाइ सुमिङको देसे हिसुन्‍हा, कालाउ बुङ देसेको ताइका हानेनु इङको हाइहोइ आरोङ ताइका बान्‍हाइलि कुनु? इङको ते बाहार थालन्‍हाका रो खोकोइहोइ याङन्‍हाका खान्‍तेङ बो हाइदोङ कामको माज्‍यावा।

इदोइखातिर सादेलता हिका नेलाइको परमेस्‍वर आबा गोताङ काथाता रेम्‍का हिकाभाइपाङ नेलाइ बुङ गोताङ काथाता रेम्‍का जेङसु।”

भुरुङ केरा माचासिङ नेलाइको दोअ्‌का काथाचाहिँ ‘एइ’ नु ‘एइ’, ‘माको’ नु ‘माको’ खिनिङ ज्‍याको। इदोइखान्‍तेङ हेन्‍जाचाहिँ दियाबलससो लोखे।

“नेलाइ इसिका दोअ्‌का हिङका हिसुन्‍हा, ‘मिँको बादला मिँ रो तासिको बादला तासि।’ कालाउ बुङ का नेलाइहेङ दोअ्‌खा, दुरजनदोफा धुम मापासु। जाइ नाङको दाम्‍पाहा गाल्‍भुङता चाउर्‍यावा, इङकोहेङ भेनेङ गाल्‍भुङ बुङ धोपिसु।

नाङको दाम्‍पाहाको मिँ नासेहेङ कुकरम पालि लागाइलि भोखे पानु इङकोहेङ ओल्‍हेपातेङ थाल्‍गिल, हाइदोनु नाङको गोताङ जिउ पातेलता थालन्‍हाकाखान्‍तेङ भुरुङ नाङको जिउको भाकगेलाइता एलोङ लाअ्‌लि नाङको भाअ्‌सिङ रेम्‍का ज्‍यावा। एन्‍सा दोङ नाङको दाम्‍पाहा खुर नासेहेङ कुकरम पालि लागाइलि भोखे पानु इङकोहेङ चेतेङ थाल्‍गिल। हाइदोनु नाङको गोताङ जिउ पातेलता दुल्‍काखान्‍तेङ भुरुङ नाङको जिउको भागगेलाइता एलोङ लाअ्‌लि नाङको भाअ्‌सिङ रेम्‍का ज्‍यावा।