Popular Bible Verses from लुका 20

શેર કરો

कालाउ इसु दोअ्‌हि, “एन्‍सा नु राजाको झोको राजाहेङ दोङ पिसु रो परमेस्‍वरको झोको परमेस्‍वरहेङ दोङ पिसु।”

कालाउ इसु एम्‍बालाइभारि खाङतेङ दोअ्‌हि, “एन्‍सा जेङनु धरमकिताबता लेखेन्‍हाका इदोइ काथागेलाइको माने हाइ कुनु? ‘जेदोङ उन्‍ठुइहेङ डकर्मिगेलाइ काम मालाग्‍याङ दोअ्‌तेङ थालगिल्‍का हिघाहि; इङको उन्‍ठुइ दोङ साअ्‌को जग लागाइलाउ मुल उन्‍ठुइ जेङलि लोहि।’

“धरममास्‍टरगेलाइसो होसपातेङ हिसु। एम्‍बालाइ तिम्‍पालि भाअ्‌सिङ र्‍हिङका धाबा लागाइतेङ हिगिल्‍लि मनपाखे। हातेगेलाइता द्‍याङगेलाइ ताइमिहेङ सम्‍मान पातेङ सेउपाको दोअ्‌तेङ लाल्‍सा पाखे। कालाउ कचहरिसाअ्‌ता रो भात्‍यारता मानपाका थामेता योम्‍लि भोखे। एम्‍बालाइ रान्‍दिको साअ्‌द्वार घिम्‍पिखे कालाउ तिम्‍पालि भाअ्‌सिङ एम्‍बालाइ हेन्‍जा बेलोम्‍पा पुकार पाखे। इन्‍सिका द्‍याङगेलाइ झाराङ खान्‍तेङ बाराका दार निनावा।”