Popular Bible Verses from Matthew 10

શેર કરો

“Anau ehaunalia okou poi nipunua {sipisipi} nonoho ma napoi leikama. Ia kena okou ihamakonu poi niꞌaka, ia pasemuu poi nilupe.

Oai kekama ehakekele keola aia soia, kama na meseko keola hamaoni. Ia oai kekama eaunahie kekiaꞌi keola aia la nokaukali mai anau, kama la meiko keola hamaoni.

Okou isemakaꞌu nakama la, maikinimea nakama la elavaa kekaa nakinokama okou imake oia, ia selavaa kekaa naanana okou imake. Emeia okou ikau kemakaꞌu Keakua. Maikinimea kama la elavaa kekaa nakinokama okou imake, kena elavaa keꞌave naanana okou i keꞌina keahi hoi.

Poi hekama seaunahie kehapili {kolosi} aia la nokaukali mai anau, kena kama la mesekau kekaukali anau.

“Poi hekama ekakala aꞌe imua namaisu keonohenua la pela aia ehakina anau, kena anau meme aꞌe Kamana anau i kevaelani pela kama la hekama kaukali anau. Ia poi hekama ekakala imua keonohenua la pela aia sehakina anau, anau meme aꞌe Kamana anau i kevaelani hoi pela kama la sehakina anau.

Kena okou ukonaꞌi nakama lavea ikaualeꞌa, haola nakama emake, konaꞌi nakama elavea kemahana {leprosi}, ia hakui nakipua saꞌino la ikaha. Keakua eau aku maluu namahi aia ikonaꞌi alakama. Kena kulana okou ehuli aꞌe namahi la, okou iseainoa kesui.

Kena okou isemakaꞌu, maikinimea naola okou nimea elahi i namaisu Keakua, elaꞌa iluna ma nalupe la.

“Okou isehakaꞌoko pela anau ehamai nokonaꞌi nakama kemaalama nei inoho laoi. Emeia anau ehamai ma penisi nohavaꞌee nakama la.