Popular Bible Verses from Nai Vakatekivu 1

શેર કરો

A sa kaya na Kalou, Me datou cakava na tamata mei tovo vata kei kedatou, ia me ucui kedatou; ia me ra lewa na ika ni Wasawasa, kei na manumanu ni lomalagi? kei na manumanu e yavai va, kei vuravura kecega, kei na ka kecega sa qasi a ya sa dauqasi e dela i vuravura. A sa cakava na tamata na Kalou mei tovo vata kei koya; e nai tovo ni Kalou sa cakavi koya ko koya; na tagane kei na alewa sa cakavi rau ko koya.

A sa vosavakalougatataki rau na Kalou, a sa kaya vei rau na Kalou, Drau luvea, ka tubu me lewe vuqa, ka vakatawai vuravura, ka vakamalumalumutaka; ka veita-liataka na ika ni waitui, kei na manumanu ni lomalagi, kei na ka bula kecega sa qasi e dela i vuravura.

ENAI vakatekivu sa bulia na lomalagi kei vuravura na Kalou.

A SA sega ni vakarautaki ko vuravura, a sa lala tu; a sa tu na butobuto e na dela ni wasa titobu. A sa yavavala na Yalo ni Kalou e na dela ni wai.

Sa qai kaya na Kalou, Me rarama mai: a sa rarama mai.

A sa vakaraica na Kalou na ka kecega sa cakava ko koya, ka, raica, sa vinaka sara. Ia sa yakavi ka sa sabogibogi mai, nai kaono ni siga ko ya.

A sa kunea na rarama na Kalou ni sa vinaka: a sa tawasea na rarama mai na butobuto na Kalou.

A sa kaya na Kalou, Raica, kaʼu sa solia vei kemudrau na co kecega sa vuataka na sorena, a ya sa tu e dela i vuravura kecega, kei na kau kecega sa tu kina na vua ni kau sa vakasorena; ko ya ena kemudou kakana.

A sa vakatoka na rarama na Kalou me Siga, a sa vakatoka na butobuto me Bogi. Ia sa yakavi ka sa sabogibogi mai, nai matai ni siga ko ya.

A sa kaya na Kalou, Me dua na cagi-maliwa e na loma ni wai, me wasei kina na wai mai na wai.

Ia na manumanu tawa lasa kecega ni vanua, kei na manumanu kecega ni lomalagi, kei na ka kecega sa qasi e dela i vuravura, sa tu kina na bula, au sa solia na co karakarawa kecega me kedra kakana: a sa vakakina.

A sa kaya na Kalou, Me tu na vu-ni-rarama e na cagi-maliwa kei lomalagi, me wasei rua kina na siga mai na bogi; mei vakatakilakila talega ni tabayabaki, kei na siga, kei na yabaki

A sa kaya na Kalou, Me tubura e vuravura na co na qele, na co sa vuataka na sorena, kei na kau dauvua me vuataka na vuana, e na kena mataqali, sa tu kina na sorena: a sa vakakina.

A sa cakava na cagi-maliwa na Kalou, a sa wasea kina na wai e ruku ni cagi-maliwa mai na wai e dela ni cagi-maliwa: a sa vakakina.

A sa tubura na co na qele, na co sa vuataka na sorena, e na kena mataqali, kei na kau sa vuataka na vuana, ka tu kina na sorena, e na kena mataqali: a sa kunea na Kalou ni sa vinaka.

A sa cakavi rau na vu-ni-rarama lelevu na Kalou; na vu-ni-rarama sa levu cake me lewa na siga, kei na vu-ni-rarama sa lailai sobu me lewa na bogi: sa cakavi ira talega ko koya na kalokalo.

A sa kaya na Kalou, Me soqoni vata na wai e ruku ni lomalagi ki na yasana e dua, me rairai mai na vanua mamaca: a sa vaka-kina. A sa vakatoka na vanua mamaca na Kalou me Vuravura, a sa vakatoka na yasana sa soqoni vata kina na wai me Wasawasa: a sa kunea na Kalou ni sa vinaka.

A sa vosavaka-longatataki ira na Kalou, ka kaya, Dou luvea, ka tubu me vuqa mai, ka vakatawa na wai mai na wasawasa; me tubu me vuqa mai na manumanu talega e vuravura.

A sa kaya na Kalou, Me vakatubura na ka bula na qele e na kedra yavusa, na manumanu e yavai va, kei na ka sa qasi, kei na manumanu tawa lasa ni vanua, e na kedra yavusa: a sa vakakina.

A sa kaya na Kalou, Me vakatubura vakalevu sara ko na wai na ka sa lako voli ka bula rawa, ia me vuka voli na manumanu e dela i vuravura, e na cagi-maliwa kei lomalagi.

A sa cakava na manumanu tawa lasa ni vanua na Kalou e na kedra yavusa, kei na manumanu e yavai va, me vaka na kedra yavusa, kei na ka kecega ni vanua sa qasi, e na kedra yavusa: a sa kunea na Kalou ni sa vinaka.