Popular Bible Verses from Марко 13

શેર કરો

Ќе бидете намразени од сите заради Моето име, но кој ќе претрпи до крај, тој ќе биде спасен.“

Внимавајте, бидете будни и молете се, зашто не знаете кога ќе дојде часот.

А кога ќе ве поведат, за да ве предадат, не грижете се однапред што ќе говорите, ниту претходно обмислувајте; туку она што ќе ви се даде во тој час, тоа кажете го; зашто не сте вие што ќе зборувате, туку Светиот Дух.

Небото и земјата ќе поминат, но Моите зборови нема да поминат!“

„А за тој ден и тој час никој не знае, ниту ангелите на небесата, ниту Синот, а само Отецот.

А кога ќе чуете за војни и гласови за војни, не плашете се; зашто сето тоа треба да се случи; но тоа сѐ уште не е крајот.

Затоа, бидете будни, зашто не знаете кога ќе дојде домаќинот на куќата, прик­ве­чер ли, или на полноќ, или кога ќе пропеат петлите или наутро, па да не дојде ненадејно и да ве за­тече како спиете. Она што ви зборувам вам, им го зборувам на сите: Бидете будни!“

Бидејќи ќе се крене народ против народ и царство против царство; а на некои мес­та ќе има и земјотреси, и глад и метежи. Тоа е по­четокот на стра­да­њата.

И кај сите народи најнапред треба да се проповеда благовестието.

Зашто мнозина ќе дојдат во Мое име, говорејќи дека сум Јас; и ќе прелажат мнозина.

Но вие пазете се, зашто ќе ве предаваат на судови; и ќе ве тепаат по синагогите, и ќе бидете изведувани пред управници и пред цареви заради Мене, за сведоштво пред нив.

Зашто, ќе се појават лажни христоси и лажни пророци, и ќе покажат знаци и чуда, за да ги прелажат, ако е можно, и избраните.

Во тие денови, по неволите, сонцето ќе се помрачи и месечината нема да ја дава својата светлина, и ѕвездите ќе паѓаат од небото и си­лите, што се на небото, ќе се раз­ни­ша­ат.