Popular Bible Verses from Mateu 15

શેર કરો

Asi izvo zvinobuda ku muromo zvinobva mu mwoyo; izvi zvinomusvipisa mundhu. Ngokuti mu mwoyo munobva mirangariro yakashata, kuuraya, kuomba, kunyenya, umbavha, uchapupu hwo kunyepa, kutuka.

andichopi akadi chinonghwina mu muromo chinomusvipisa mundhu, asi icho chinobuda mu muromo, ndicho chinosvipisa mundhu.”

“Vandhu ava vanondireremeja ngo miromo yavo, asi mwoyo yavo iri ndhambo kwendiri. Asi vanopera nguva kundidira, vechijijisa kuyita zvijijiso, mipango yo vandhu.”

Naapo Jesu wakapingura, akati kweriri: “A! Jimayi, kutenda kwako kuri kukuru. Ngakuitike kwouri kudari ngo zvounoda. No mwana waro wokaji wakaponeswa kubvira ngo nguva iyo.”

Asi uwo wakaviya, wakamudira, akati: “Mambo, ndidetsere.” Asi wakapingura, wakati: “Akuzivi kunaka kutora chimanda cho vana, no kuchikandira kuzvimbwa.” Asi uwo wakati: “Eya Mambo, ngokutizve zviimbhwa zvinoha kwezvinohwarakatika pa thafura ra mambo wazvo.”