Popular Bible Verses from Pinongurugan 27

શેર કરો

Muda-mudaan ong taakan ko nu Kinoringan nu ambun kiat so langit, om umo mu nga ookang. Muda-mudaan ong taakan ko Niyo nu paroi om anggur nu osuang sobana. Muda-mudaan ong ouripon mu ongo bansa wokon, om orumaton ko nosiro. Muda-mudaan ong osiliw ko nu wowaidon nu kosusulodan mu, om orumaton ko nu solusuk mu. Muda-mudaan ong sindoraayon-a lobuw mongindoraai so ikau om oborokatan lobuw mongoborakat so ikau,” koo.

Mutongaro yo si Isau nu, “Koinduo yo sono niyo mongaakal so aku. Otoop-a nu ingoranan iyo so si Yakub so' inalap po niyo songapan ku nu anak ongko, om sinolod po niyo niborakat so aku iiri. D'ado yo gaam borakat mu wokon niborakat mu so aku!” koo.

Mutongaro yo si Isak nu, “Oo anak ku, d'ado yo ambun kiat so langit suat so ikau, om ado yo umo ookang suat so ikau. Dadan ko lumawan nu alod-alod mu, nga dai ko ya potoyon, om ouripon ko ni adi' mu, nga bang lumawan ko, dai ko ya ouripon niyo,” koo.

Sumosog-a bana si Isau mokiborakat so si apa niyo nu, “Ido-ido ya gaam borakat mu apa. Borokati aku yo, apa!” koo, om tumongio yo iyo.