Popular Bible Verses from Huwan 1

શેર કરો

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Ti sulu magrayaw sa kadudulman ag unman dinaug kadudulman ti sulu.

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Ginan sa kanya pag binwat Diyus ti tanan pag manga bagay. Sa tanan-tanan linalang unman may nabuwat ti Diyus nu ud ginan lang sa kanya. Ti Bagaw ti gimpuunan buhi. Inda pag buhi ti sulu tigpakaun karayawan sa manga tawu.

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Sitay yi sa babaw daga ti Bagaw. Madi kay linalang Diyus ti kalibutan ginan sa kanya, unman waydi nakilala siya manga tawu sa kalibutan. Nagsitay siya sa kay sadili daga, dapat kay manga kasimanwa unman nagtanggap sa kanya.

Tunda ngani ti tutuu gid pag sulu ti nagsitay sa kalibutan hampay kay marayawan ti tanan manga tawu.

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.