Popular Bible Verses from Mattayo 5

શેર કરો

Nyali kawili wayipamba lepa ni kwiwika pasi pa kikong’ondela, koma pakuwikika pake; ni yiwamulikila woha wakutama mu nyumba. Wiwila lulangalila lwinu lumulike palongolo pa wandu, nausi wawone makitiko ginu manofu, ni wankwise Dadi winu uyu ayii kunani.

Mwenga muyii lulangalila lwa ndima. Likaya lyakuwikika panani pa kidunda nakuhotoleka lepa kufihika.

Wakusengwa wawalafu mu mwoyo: pakuya yawambone Mulungu.

Wakusengwa wakuwona njala ni nywita ya ugolofu: pakuya yawatupile.

koma nenga niwajowela kukita Muwaganaye wa mitumba winu, na musalaye kwa wala wakuwahyunga mwenga

Wakusengwa wakiwa mu roho: pakuya utwa wa kunani uyii wa wombe.

Wakusengwa wakukita kindamba: pakuya yawakemeleke wana wa Mulungu.

Wakusengwa wakuniongoneka: pakuya yawanyamasike.

Wakusengwa wala wakahyungiki ndawa ya ugolofu: pakuya utwa wa kunani uyii wa wombe.

Wakusengwa wakupwelekela lipyana: pakuya yawapwelekeleke lipyana.

Wakusengwa mwenga pala yawalige, ni kuwahyunga, ni kujowa kiwifu kiyi kyoha pa kudeta ndawa ya nenga. Muhekelelaye ni kuyangala; pakuya njombe yinu yikulungu kunani: pakuya wiwila wakawahyungiti wakulweta wala wakayili palongolo pa mwenga.

Wakusengwa wololo: pakuya yawayingile pa ndima lipwela.

Mwenga muyii mwinyu wa ndima: koma mwinyu wona uyii wateke, yaulekeleke mwinyu ni kiki? kitumbulile bahalapala nukulinganila kandu lepa, lema kutagika kunja ni kuliwatika na wandu.

Mumu yamuye wakumalakilana, ngati umu Dadi winu wa kunani ayii wakumalakilana.

Leka kajoweko kinu kaye Ena, ena; Lepe, lepe: na kakulutila aga kayii kya wakuwipa.

Mwayufwini kukita kukajowiki, Liho kwa liho, na lino kwa lino: koma nenga niwajowela kukita Usikanangana nu mundu mbifu: koma ayi yoha uyu yakutowe lupi pa lujeje lwa ndilo, ung’anamusile lungi kawili.

Leka liho lyako lya ndilo wona likukuwasa, ulikolombole, ni kulitaga kuhuma pa wenga: pakuya ikunogela kukita kipingili kyako kimonga kiyanangike, nu mbili wako woha usitagika pa gehena. Ni kiwoko kyako kya ndilo wona kikukuwasa, ukidumule, ni kukitaga kuhuma pa wenga: pakuya ikunogela kukita kipingili kyako kimonga kiyanangike, nu mbili wako woha usibita ku gehena.