Popular Bible Verses from Pulim 11

શેર કરો

O ma ta o tete ne o we, “Nii nɔɔna banto na gare ba bobo se ba taa toŋe tei! Ba nam na ye dwi dedoa ye ba ta ŋɔɔne taane dedwe to mo pa se ko ye konto. Ko ná lage ko taa ye tento, ko bá dáane ye ba wane ba toŋe kolo maama ba na lage to. Pa-na se dé vo dé yi ba tei dé vugimi ba taane dem se ba daa yé taa ni da-taane kuri.”

Ba ma daare ba we, “Pa-na dé ke ni daane se dé lɔ teo kamunu ye dé lɔ di-dedɔrɔ kolo yuu na wó di wɛ-wɛ ko twɛ wɛyuu to. Ko ná ke konto, dé wó na yere dé pa dé tete, ye dé bá jage tega baŋa jei maama ne.”

Ko laam ma pa se ba bwoŋi teo kom konto yere we Babili, kokuri to, dáane mo Wɛ déem vugimi nabiina taane dem ye o daare o pa se ba zege dáane ba jage ba vo tega kam baŋa jei maama ne.

Boboa ne to, nabiina bam maama déem jege taane dedwe mo ba ŋɔɔna. Ba botare-bia déem dae yera yera.

BAŋA Wɛ ma tu o ba se o nii teo kolo nabiina bam na lɔge to de ko di-dedɔrɔ kom.

BAŋA Wɛ déem ma seene o pa se ba jage tega baŋa jei maama ne. Ba ma kwei ba teo kom lɔɔm dem ba yage.