Popular Bible Verses from မဿဲ 16

શેર કરો

ယင်းနောက် ယေရှုစာ ကိုယ့်တပည့်ရို့ကို ပြောလီရေ၊ “အသူမဆို ငါ့နောက်က လိုက်ချင်ရေဆိုကေ သူစာ ကိုယ့်ကို ငြင်းပယ်ရဖို့ အရာ သူစာ ကိုယ့်ကားတိုင်ကို ရွက်ရို့ ငါ့နောက်က လိုက်ရဖို့။

အရာ ငါ နင့်ကို ပြောရေ၊ နင်စာ ပေတရု ဖြစ်တေ။ ငါ ဒေ ကျောက်လုံးထက်မာ ကိုယ့်အသင်းတော်ကို တည်ဆောက်ဖို့။ သီသူရို့နိုင်ငံ၏ တန်ခိုးစာ ယင်းအသင်းတော်ကို နိုင်လိမည် မဟုတ်။

ငါ နင့်ကို ဂေါင်းခင်နိုင်ငံတော်၏ သွပွတ်ကို ပီးဖို့ အရာ နင် ဇာ အကြောင်းအရာကိုမဆို ဒေ ကမ္ဘာမာ ဟန့်ရေဆိုကေ ဂေါင်းခင်ဘုံမာလည်း ဟန့်လိမည်၊ အရာ နင် ဇာ အကြောင်းအရာကိုမဆို ဒေ ကမ္ဘာမာ အခွင့်ပီးရေဆိုကေ ဂေါင်းခင်ဘုံမာလည်း အခွင့်ပီးလိမည်။”

အရာ အသူမဆို ကိုယ့်အသက်ကို ကယ်ဆယ်ချင်ရေဆိုကေ သူစာ ကိုယ့်မာ ထာဝရအသက်ကို ဆုံးရလိမည်၊ ယေကေလည်း အသူမဆို ငါ့အကြောင်းန ကိုယ့်အသက်ကို အဆုံးခံရေဆိုကေ သူစာ ကိုယ့်မာ ထာဝရအသက်ကို ကယ်ဆယ်လိမည်။

အသူမဆို တစ်လောကလုံးကို အနိုင်ရရို့ပင်လည်း ကိုယ့်မာ ထာဝရအသက်ကို ဆုံးရရေဆိုကေ ယင်းသူမာ ဇာအမြတ် ဟိရေလည်း? ထာဝရအသက်ကို ပြန်ရဖို့အတွက် ယင်းသူမာ ပီးစရာ ဇာ ဟိရေလည်း?

ယင်းခါ သူစာ တပည့်ရို့ကို မီးလီရေ၊ “ယေကေလည်း နင်ရို့ကား ငါ့ကို အသူဖြစ်တေ ဟို့ ပြောကတ်တေလည်း?” ရှိမုန်-ပေတရုစာ ပြောလီရေ၊ “ကိုယ်တော် ခရစ်တော် ဖြစ်ပါရေ အရာ အသက်သျှင် ထာဝရဘုရား၏ သားတော်လည်း ဖြစ်ပါရေ။”

ယင်းခါ ယေရှုစာ သူ့ကို ပြောလီရေ၊ “ယောနသား ရှိမုန်၊ နင် မင်္ဂလာဟိရေ၊ အကြောင်းကား ဒေ အကြောင်းကို လူတစ်ယောက်လည်း နင့်ဘားမာ ဖေါ်ပြလီစာ မဟုတ်၊ ယေကေလည်း ငါ့ ဂေါင်းခင်ဘုံသျှင် အဖရာ နင့်ဘားမာ ဖေါ်ပြလီစာ ဖြစ်တေ။