Popular Bible Verses from Luke 14

શેર કરો

Mada sa ta wane ka lae mai isaku, me ai si lalakwatania maka nia, ma thainana, ma kwaina, ma wela nia ki, ma doorana kera, ma wai waena nia ki, iu, ma manoṉa lau boo, nau sa kwa tole nia e ai.

Ma ni tei bana ne ai si ṉalia ’ai rarafolo nia, si lae mai iburiaku, nau sa kwa tole nia e ai.

Uria ni tei bana na kai tala faainoto nia i talaana, keki faafaekwa nia; ma wane na kai tala faafaekwa nia i talaana, keki faainoto nia.

Mania kai una eri lau boo, ni tei bana iamulua ne ai si luka teefau asi do ne rikidaki, nau sa kwa tole nia e ai.

Uria nifana wane iamulua, ne thathamia kai kasia ta faelaṉi ni toi la, si ono totonao si teemai nia malefo na kai lae uria, mada sa nia alua malefo ne talaana faasui lana? Ada mado e ai, buriana ne alua gwa fau totonao ki, ma ka dora ana faasui lana, toa eki sui boo na kera rikia keka aefara iana, Keki una eri, Wane nei e thafalia kasibiu la, sui ka dora ana faasui lana.

Lalae o thasi faṉa, oko laefia toa na kesi rikii do, ma toa na ta si kula iada e kodo, toa aede katu, toa maade rodo: Ma ni oe kai lea iamu; uria na kesi talaana duu lana si do eri ifamu: uria na toto keki duua si do eri ifamu asi maṉa na tatae lana toa kera kokoto.

Solita e lea: sui mada sa solita eri e ai si amalila naa, si ta na keki faaamalila ania? E ai si lea naa uria alu lana i la si gano mado i la taerau ana faatae lana si do ki: keki u ania i thara. Wane ana ta ro aliṉa uria roṉo la, nia kai roṉoi fasi.