Popular Bible Verses from Luk 11

શેર કરો

Mo vèn dzəə̀n wír ve á kù yii vinyo ve bi ví, kù yòʼ kiiy mo dzə̀ á fò vifá ve juŋ vi e wón véné, bo dzə̀ Tàr won wo wù dzəə̀n é yuv fò sá Kiyoy ke Ranén kí e wír ve á lón fo wune.»

«M nén a suúy e vèn jii, vèn wáa lon, é Nyùy wàá fó. Vèn wáa tàʼ, é Nyùy yii, é vèn bóŋ. Vèn wáa kùmrì shúu lav, é Nyùy mvəʼ.

Vèn wáa kiíy ji wìr wo wù kooy kifá dzə̀ wo wù lóné. A wìr wo wù taʼ kifá waà yíi yen, aá mvəʼ shúu lav, é wìr wo wù kumrì nəə́.

Jesus nèn sùúy e wón vəə́ adzə̀m jii, «Vèn lóo bùnrì, vèn wàa yòŋ jii: « ‹Tàr, ku yiì, é wíri wáa ghvəm yír yé, e kfə̀n yiì, é sáʼ yée wiy.

Ku làysìn ajay vérí, bìʼ fo vèr laysìn vé wìr ve á jayin e vèr. Lá à yòʼ màʼtì, é vinyo ve ví mum ver ví gháʼ ver.› »

Kú a fo ver vifá ve yi veé kishiíy vishiíy vidzə̀m.

Sí wìri nén a dzə kifá ke wìr yén rán yee shooy sho. Sí wìri lóo dzə, a yí rán e mbòŋ, bo dzəʼə̀m rəə́ rán ránén e dzə̀m. Yí lóo səəné, bo dzə̀ mo dzəʼə̀m rəə́ sə́n sənén e dzə̀m.

«A bó wìr yòʼ yii səʼ lam, wù wày a dzə̀ é buu, a bó yòʼ dzə̀ wù kfə̀n lì mbìʼ, e sùm sho. Wù kù yii tiir a dzə̀ é kitu ke kifa ji wíri lóo nəə́ e lav, á wàa yen fó.