Popular Bible Verses from Piancilna 21

શેર કરો

A gensa bangin TOPA in Sarah' tungah thupha pia a, a gensa bangin Sarah’ tungah TOPA in hih hi.

Pasian in tangvalpa’ aw za hi; Pasian’ vantungmi in vantung panin Hagar sam a, ama kiangah, “Hagar aw, bang in hong lungkhamsak hiam? Lau kei in; bang hang hiam cih leh tangvalpa a omna mun-a a kahna awging Pasian in za hi. Ding in, tangvalpa la in la, na khut tawh kip takin len in; bang hang hiam cih leh minam lian khatin amah ka bawl ding hi,” ci hi.

Sarah gai hi, ama' tunga Pasian in a gensa hunin a teek zawhin Abraham tawh tapa khat nei hi.

Sarah in, “Pasian in kei’ adingin nuam-a nuihzak nading hong bawlsak khin hi; a za peuhmah in nuamin hong nuihpih ding uh hi,” ci hi.

Ahih hangin Pasian in Abraham tungah, “Tangvalpa leh na sila-numei hangin lungkim loin om kei in; Sarah in nang' tunga hong gen peuhmah ama' hong gen bangin gamta in, bang hang hiam cih leh Isaak tawh na suan-le-khakte’ min kilo ding hi.

Amah pen nangma' ta ahih manin, sila-numei’ tapa zong minam khat in ka bawl ding hi,” ci hi.