Popular Bible Verses from Luke 8

શેર કરો

«Tsaange yiyàrage va yulu a tɔtɔ yiyibuɛ, baate babayoge mabige ma Nzɛmbi na mutéme wuwasonde yafuane. Bakɛle mɔ gutsɔ mitéme mia bɔ, bakábade ka baate babayɛbene na babamagɛle mulinge.»

Tsaange yiyarage gutsɔ bifundi, baate babayoge mabige ma Nzɛmbi yafuane. Tɔ ibɛyi na lenuingi la maambe ma bulɔnge bunebu bibamege mabige ma Nzɛmbi mabɔ bayugi, bɔ mulinge gɛle vɛ.

Tsaange yiyarage va yulu a tɔtɔ ya mamani, baate babayoge mabige ma Nzɛmbi, nachinge mɔ na ngɔmbe yafuane. Tɔ bɔ mabige muɛne masasondese mikɛngi gutsɔ mitéme mia bɔ vɛ. Lebiɔge labɔ ndile mua pése. Va maambe mamanɔne mayadele bɔ, mitéme mia bɔ mikagabege mbise.

Sése nàfule baate bɛndi ndé: «Béne ka lebiɔge vɛ?» Bɔɔme bukuate baduki bɛndi, bɔ bagémbe, nibàyambele pfuɛchi abɔ muɛne na bɔ muɛne bo: «Awunewu mutu wuwakubuse mukungu na mingébe biɔ bikagɔbichi ndɛ guni amate?»

Tsaange yiyàrage va yulu a ndjile, baate babayoge mabige ma Nzɛmbi, tɔ mubéli ayade, akamase mabige ma bɔ bayugi mu ndé bɔ bachilele, bakapɔtege yafuane.

Maambe motchi ma basade gu musuɛge nimápole va ndande. Namoni a maambe mabasade gutsɔ ifunde nimápole va iyalele.

Mukaase muɛne àmɔne ndé tchambe lɛndi bamayabe, àyade na tɛbe lekambe, nàsome mabɔnge va busu bua Sése. Avanekaniva ndɛ àyole musame a buni ndɛ bɛmbe Sése na buni ndɛ bɛlege va mise ma baate botchi. Sése nàlɛle ndɛ ndé: «A muane a mɛ, wɛ beligi mu lebiɔge le wɛ buli mu mɛ. Kiyɛnde na pɔle.»

Baate bɛndi bàkukule va pédi a ndɛ, bàsole ndɛ, nibàlɛle ndɛ bo: «A Kumu, a Kumu bése a béne lɔlɔ nilekuadani.» Sése àsoge chɔle, nàkubuse mukungu na mingébe. Biɔ nibiàbade ndile ka lingii.