Popular Bible Verses from Génesis 11

શેર કરો

I̱ña̱jée nkachiꞌ I̱toꞌoꞌ‑ó: “Kune̱ꞌyá, ɨɨn ni nu̱u̱nꞌ ñɨvɨ kúvi ráa jee ɨɨn ni nu̱u̱nꞌ tu̱ꞌun káꞌánꞌ nɨꞌɨ ráa. Jie̱ꞌe̱ꞌ saáva tiñu yaꞌá ví tiñu xíꞌnañúꞌún ya̱ saꞌá ráa, vitan jee kuvi saꞌá ráa néni ɨɨn tiñu ya̱ kuꞌun iniꞌ ráa saꞌá ráa. Nkóꞌónꞌ‑ó kinkuun‑ó sama‑ó tu̱ꞌun ráa sáva sɨ́ɨ́n sɨ́ɨ́n kaꞌanꞌ ráa sáva nkíku̱ꞌun ka̱ꞌ iniꞌ ɨɨn inka ráa tu̱ꞌun kaꞌanꞌ táꞌán ráa.”

Jee nkachiꞌ ráa: “Nkóꞌónꞌ‑ó kɨ̱saꞌá‑ó ɨɨn ñuunꞌ‑ó jín ɨɨn veꞌi súkún nasɨ́kuitɨꞌ ya̱ sikuéꞌnu súkún‑ó maa nekuaꞌ kenta xi̱ni̱ꞌ ve̱ꞌí súkún nasɨ́kuitɨꞌ vá ne̱ súkún, sáva te̱ku̱tu̱ꞌún jie̱ꞌe̱ꞌ‑ó sáva ntu kusɨ́ɨ́n‑ó kutenuun‑ó nu̱u̱nꞌ nɨꞌɨ ñɨ̱vɨ́.”

Saáva naní ñuunꞌ yukuán Babel chi yukuán nsama I̱toꞌoꞌ‑ó tu̱ꞌun ráa sáva sɨ́ɨ́n sɨ́ɨ́n kaꞌanꞌ nɨꞌɨ rá ñɨvɨ íyó nu̱u̱nꞌ ñu̱ꞌún, jee nsi̱kúténuun re̱ꞌ ráa nkene ráa yukuán kua̱ꞌa̱nꞌ ráa kua̱íyó nu̱u̱nꞌ ñu̱ꞌún.

Jee tióꞌ yukuán nɨꞌɨ noo ñɨvɨ nééꞌ ñɨ̱vɨ́ ɨɨn ni tu̱ꞌun nkaꞌanꞌ ráa jín ɨɨn nuún ni rá tu̱ꞌun káꞌánꞌ ráa nékui.

Soo nki̱nkuun I̱toꞌoꞌ‑ó sáva kune̱ꞌyá re̱ꞌ ñuunꞌ yaꞌá jín veꞌi súkún nasɨ́kuitɨꞌ nsa̱ꞌá rá ñɨvɨ.

Jee sukuán nsi̱kúténuun I̱toꞌoꞌ‑ó ráa nkene ráa yukuán kua̱ꞌa̱nꞌ ráa kua̱íyó nu̱u̱nꞌ ñu̱ꞌún, jee ña̱kui̱ñɨ̱ꞌ ráa ya̱ síkuéꞌnu ráa ñuunꞌ vá.