Popular Bible Verses from एहुन्‍ना 19

શેર કરો

ईसु हेना सिरकाय चेपेज तेड तहाँय कहनी तेडा, “पूरा यना” अवुर भोःतुय केटुब तेडा अवुर अनेज राः जीविय अड़ा गोत्तेडू।

हेना वरी ईसु, अब दो सींड़ काम पूरा यना मेनाअय पपाड़ियानू। अवुर धरमग्रंथ रे लिखल इदाना, हेना टेबोः पूराः लगाडिय कहनी तेडा, “इंञ ततँग केडिञाँ।”

अवुर ईसु अखीरिय परेम तेडिय हेनी चेला, हेंय हो हेना रेय चड़ाँ तना। तहाँ ईसु इंगत हन तको केतेय कहनी तेडा, “ए कोड़ीहोन, अँजोमेमू, तेसींञ वरी नेय अम कोड़ा होपोन हवे।” अवुर हेंय चेला थरेय कहनी तेडा, “नेय इंगम हवे।” अवुर हेन चेका वरी हेंय चेला ईसु इंगत अनेज ओड़ाः हनतेय गोःतेडिया।

लेकिन ईसु बँदे रेकू मेजेन दो, हेंय गोज तना ञेंलते हेंय कटा मेने कू टोविज गडा। लेकिन सिपाहिकू मेंडे रे मियाँहोड़ खरदा ते पँजर तुरेय सोबोः तेडा। तहाँ हेंय वरी तुरेत्ते, रक्‍ती अवुर दाः उडूंग एना।

धरमग्रंथ रे नआँ याःते कहनी केड हेना टेबोः पूराः लगड नआँ याःते होया एना, “कनार जाँग हेंय राः एरो कू टोविज तेडा।” अवुर मियाँ थरे न याःते लिखल इदाना, “जे जे हेंकू सोबोः तेडिया, हेंकू हेंय कू ञेंलेया।”

तहाँ सिपाहिकू ईसु कू गोःतेडा। अवुर हेंय अनेज राः कुरूस रिमकेते एरुसलेम सहर वरी बहेर हँडे मियाँटंग जघा रेय इदी तेडा। हेना जघा राः ञुमू “खोपड़ी राः जघा” मेनते दोहो एना, इबरानी भासा ते गुलगुथा मेनते कू कहनी वआ।

तहाँ सिपाहिकू जनोम राः मुकुट बनो केते भोःतु रेकू तुसींञ वडिय दोहो एनु, अवुर बेयजनी रंग राः कपड़ा कू तुसींञ वडिय दोहो एनु।