Popular Bible Verses from John 8

શેર કરો

O'naeħ' ne Jeˑsus' shaˑgo̱s'nyeħˑsee, haˑwă̱ă̱' Iiħ' neˑgă̱ħ' ne deˑyòh'hatˑhes'dahˑgo̱h heˑyo̱ˑă̱nˑjaˑdeħ; neħ' haaˑyaħ'daˑdeħ nă̱ˑo̱k'no̱nˑdăăˑdyeħ', tă̱ħˑă̱h' òhˑso̱nˑdaˑgo̱o̱' taa'eh, neħ gwaa' ă̱ˑa̱'waħk' ne yo̱hˑheħ'o̱o̱ˑweh' deˑyòh'hatˑhes'hăħ.

Neħ' gwaħˑhuh neh, ă̱ˑswaˑyă̱nˑdeeħ' ne gaˑi'waˑgwĕnˑniˑyòħ, neħ kuh ne gaˑi'waˑgwĕnˑniˑyòħ' ă̱ntˑga'iˑo̱ˑniħ' ă̱ˑswaˑdaˑdwă̱ˑniˑyòħˑheħt.

Oˑnă̱h' ne Jeˑsus haˑgo̱ˑyă̱ˑo̱h'seeh haaˑdi'yaħˑdaaˑdeħ' ne Jews ne' waˑo̱ˑwa̱'iˑwaˑgwĕnˑniˑyòs', Neħ' giħˑshă̱h ne' neħˑhuh hă̱ˑswe'no̱ˑo̱nˑdyeħ' heˑniˑgwă̱'noħˑdă̱ă̱, neħ ne do'gă̱sˑo̱ˑweh oˑnă̱h' iiħ gwaˑi'o̱ˑnyaˑnih.

Da neħ' dih giħˑshă̱h Nòˑaaˑwak ă̱chˑhe'swasˑhaaˑnyaħk', ă̱ˑswaˑdaˑdwĕnˑniˑyòħˑheħt, do'gă̱sˑo̱ˑweh ne' neħ ă̱ˑswaˑdaˑdwĕnˑniˑyòòk.

Da neħ' neh, noˑnă̱h' he'nitˑhoˑdiˑyeeˑă̱h' hoˑwa̱n'doˑnyo̱h, neħ ne' detˑhòt'gesˑgwă̱h haˑgo̱ˑyă̱ˑo̱h'seeh kuh, Neħ' haaˑyaħ'daˑdeħ ne tă̱ħ'ă̱h deħˑòˑiˑwa'neħˑak'shăˑeħ heˑniˑswaaˑdii', neħ' taˑdyeeˑă̱nt' shaˑgòħˑsgweˑòħ'yaak.

Desˑhaˑgo̱ˑwă̱'no̱ħˑsăˑgwă̱h, Doˑgă̱s', doˑgă̱s' neħ' noħˑgwă̱'o̱s, So̱n'diħˑgwa'naħˑòt ă̱ˑa̱'iˑwa'neħˑaak, neħ' waeh hoˑhaħ'shăħ ne gaˑi'waˑneħˑakˑshăħ.

Neħ' noˑnă̱h ne Jeˑsus shotˑgeesˑgwă̱h' deħˑso̱o̱ˑgaaħ' deħˑchaˑgoˑgă̱ă̱ħ neħ sho̱ ne ye'o̱h; shaˑgaˑwă̱ˑo̱h'seeh, Si'o̱h, gaˑă̱ neˑgă̱ħ heˑoˑneeˑno̱o̱' neh ho̱ˑsa'iˑwa'yă̱ntˑhaaħ? gă̱n' deħ'so̱ˑgaaħ no̱ˑgweh' deˑya'no̱hˑjaħ'giiħ? Gaˑwă̱ă̱', deħˑso̱o̱ˑgaaħ', Syaħˑdaˑgwă̱nˑniˑyòħ. Oˑnă̱h' shaˑgaˑwă̱ˑo̱h'seeh ne Jeˑsus, Tă̱ħˑă̱h kuh nă̱ă̱ħ' iiħ taaˑgo̱ˑno̱h'jaħˑgă̱h; sah'dă̱nˑdih, să̱ˑno̱h' kuh ă̱chˑhii'waˑneeħˑaak.