Popular Bible Verses from Génesis 6

શેર કરો

Jech o xal un, laj xcha'na' ti laj smeltsan ti vinique. Mu ts'icbaj laj ya'i.

Ti Diose laj yil ti ech'em jelav xchopolalic ti jnaclejetic ta banomile, yu'un ja' no'ox ta snopilanic o ta spasel ti chopole.

Ac'o mi jech un, yan ti Noee, lec x'ile ta sba ta sat ti Diose.

Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

Va'i un, xi lic yale: “Ta jch'aybe sts'unubal ta banomil ti vinic ti laj jmeltsane, xchi'uc scotol ti ts'unbolal chon bolometique, xchi'uc ti c'usi xjochet ta xanavic ta banomile, xchi'uc ti mutetique. ¡Jcha'na' xa ti laj jmeltsanique!”

C'alal lic epajuc ti jnaclejetic ta banomile, lic ayanuc yantsiquil nich'nabic. Jech ti buch'utic c'otic xa ta bats'i xnich'nab ti Diose, laj yilic ti toj c'upil sba ti antsetique. Ja' yu'un un, tey lic st'ujic ti bu junucal ta sc'an ta xiq'uic ta scotole. Laj yic' sbaic xchi'uc ti bu c'ot ta yo'ntonique. Ti Diose xi laj yale: “Ti vinique, mu me li'uc ta sts'un o yi'bel ti xch'iel sc'opojele. Yu'un ti stuque, lum ach'el no'ox. Ja' no'ox ta xcac' cuxiuc vacvinic (120) jabil.” C'alal ti yaj'ánjeltac Dios laj yic'beic yantsil nich'nabic ti viniquetic yo' ta xilic ti xnich'nabic xchi'uque, ja' o lic ayanuc talel ti inate' viniquetic ta ba'yel une, xchi'uc ti ta ts'acal to une. Ti stuquic taj une, puc sc'oplalic ta vo'ne ti jelavem xu' yu'unique.

Jech laj spas scotol ti Noee jech c'u cha'al i'albat yu'un ti Diose.

xi laj yalbe ti Noee: “Laj xa jnop ti ta jtubbe sc'oplal scotol ti jnaclejetique, yu'un ja' ta scojic ti epajem vocol yu'un ti ilbajinele. Ja' yu'un un, ta jtsutses scotolic xchi'uc scotol ti c'usitic oy ta banomile.

Jech o xal, meltsano jun barco ta te' ti lec tsoj xchi'uc ti xuch'ale. Meltsano jayc'oluc yut. Ta xapac' ta chab ta yut ta spat ti bu cayajtique yo' jech mu sol jelavel ti vo'e.

Ti c'alal jech laj yil ti Dios ti epajem ti mulil ta banomile, ti yanijem ta be ti snopobil yu'unic scotol ti jnaclejetique

Ja' jech xtoc ta xavic' ochel ta barco ta scotol ti chonetic ti oy ta banomile, jcot stot xchi'uc jcot sme', yo' jech cuxul ta xcom sts'unubalic jech c'u cha'al ti vo'ote.