Popular Bible Verses from Lukâs 9

શેર કરો

U dzày yə̀ awò aghè àdzə̀m nə̀, “Abu wù dziy dzwùmì mìə̀, u twe màʼà tsə uwee u we, ù bòʼò kə kâʼ fə təzəd fə we ntsuk ə indzə̀m, dzwùmə̀ bə̀ mìə̀.

Aŋwòə wù wə̀ ù liə nəniy ani fày ŋwò fyi bə̀ ìmùə̀ i we, ù kì nìì myàʼà ŋwò. Wù wə̀ u kì nìì myaʼà nəniy imuə̀ i we yiy â mìə̀, ù kì kyilə dzwəŋə ŋwò imuə̀ i we yiy.

Yesù ə dzày yə̀ a we nə, “Wu wə̀ ù tsəb kwiy tsə dzə̂ dzòŋ kìy, kàmə̀ bàŋə̀ lia yə̀ ibàm, ù kə̀ dwâm kwoʼ kpe dzə̂ a lòʼo kə Zə̀kìy saʼa nəniy ate.”

Wò kì nyiə fyiə kə kìə̀ abu wò kəli mâ kə ufyiə udzə̀m fə anə mbyi kwuni này màʼà yə̀ ìmùə̀ yə̂ ə?

Abu wò də̀lə nə̀ tuw kiy azoŋə̀ mìə̀ nə̀ ntwum yam, Wà Wù nì də̀lə̀ sòʼò ŋwò nə̀ tuw kiy azoŋə̀ wò abu ù dzwoŋi bə̂ nəniy nə̀ ŋkwiʼi mə̀ tè we nə̀ tsə̀təndii t-a-zə̀ tə̀ zwe tiy.

Yesù ə dzày yə̀ a we nə, “Ŋkəŋə miy kwu ubwôʼ u ghu in muə nəniy ate, ŋwùni kwu soʼo ndaw tiy ani mùə̀ ate, Wà Wù kwuni kwu way loʼo kə̀ gaʼa k-a-tuw kiy.”

U dyaŋi dzày yə̀ a ghu nə, “Wù wə̀ ù tsəb ŋgwam naa nəniy ànìsə̀ yəə à də̌ ù wə̀ anə izəd yam u yî ŋgwam na miə, wù wə̀ ù ŋgwam nəniy miə, ù mìə̀ kə̀ kaʼi ŋgwam na dzə̂, ù ŋgwam na sòʼò wù wə̀ ù twum bə̂ miə. Wù wə̀ ù gwò də anə uzə ghi a də̌ we wù ù sòŋə̀ wìy.”