Popular Bible Verses from Lukâs 13

શેર કરો

“Kaw dzəd yə̂ ani tsìy nyi anə kwali fə ufə̀b u mbà, aŋwòə ndə̀mə̀ àghè nî liə ŋwò ani tsìy nyi ate, ghu ni kwuni də̂m kê ani tsìy nyi.”

Wìyəŋi ù lìy wìy ə də̀ awote nə̀ usîy ùbɛbə wiy mə zəŋi nə̀ ù si dzaŋə anə tə ŋə̀mə̀ ìvəm nə̀ ghe tiy ifamə. U zòʼ dòʼò təŋ kə ŋwò kwu way ani təmi kə tsitsi. Abù Yesù kòʼ tsə nəniy wìyəŋi ùghà wə̀, u toŋə tsə we dzày tsə a we nə, “Idzâŋ yə̂ yìy mə̀ mày.”

U gaʼ tsə awo ə we azoŋə̀ wìyəŋi ù te wiy, wìyəŋi wə dyaŋi təmi kə idoŋ kaʼ yə̀ ani nyə̀ ùkali â Zə̀kìy.

Kəli tsə nə̀, aghû yə̀ aghê koʼò nəniy nə̀ ghu də aghê soŋə̀ yìy nyiə, ghu nî dyòʼò ŋgwò mə̀ ghù, à yuu ghu koʼò nə̀ ghu də ŋgwò mə̀ ghù nyiə, ghu nî dyòʼò àghè soŋə̀ yìy.

Ani buu mwe ə̀ ndaw ù ghè wə̀ nì fè tsə dzəə ufə̀b ndaw, ghà ni təmi doʼò kə a bee, ghà ni bwoʼo ndaw, dzìy nə̀, “Dzwə̀ə tsə ndaw a mwe ə̀ ndaw.” Mwe ə̀ ndaw ù te wiy ni dziy nə̀, “Mə kwu way gha, kwu way loʼo kə ghà ŋwô bə̂ nəniy ate.”

À wày dzə ghi. Mə dzìy bə̀ â ghà nə̀ abu ghà də kə̀ kyemì ŋwô bə̂ anə ayiə ghi àbɛbə yiy, ghà nî pfə sòʼò yəə à də̌ ghu.”

Ù nî nam dzày fəli bə̀ kə nə̀, “Mə kwu way loʼo kə ghà ŋwô bə̂ nəniy ate, ŋwò nənìy fəə asə̀ ə̀ mìə̀, ghà də aghê àbɛbə yiy.”

Yesù ə bəb tsə nə̀, “Loʼo kə Zə̀kìy saʼa ate kə də te kyiə̀? Mə də ni ba tyi tsə nə̀ kə də yəə à də kyìə̀? Kə də yəə wù nə̀ zee yə̂ nyàŋə fə sam fə fə tɛb tsîy fyi nəniy sam tə ufyiə tə tə̀dzə̀m anə mbyi zu yə̀ anə uswum. Fə nɛmə dòʼò yə̀ fə̀kàʼ, ŋwùni bè zəŋə ndaw tə ghu anə ŋkwè tə we.”