Popular Bible Verses from Dzwan 12

શેર કરો

Wù wə̀ ù liə nəniy ani doʼò wù kə̀fàʼ wam, ù kwu ani dzwùmì bə̀ mìə̀, tə̀ ù ki də nə̀ mìə̀ anə lòʼo kə mə̀ də nəniy ate. Təli wam kî nyiə̀ mə̀ŋkwiʼi awò wù wə̀ ù fàʼa nəniy awò mìə̀.”

Wù wə̀ ù ŋge liə nəniy imùə̀ i we yiy, ù kì nìì myìʼà ŋwò. A kwuni bù wù wə̀ ù bà nəniy imuə̀ i we yiy fə anə mbyi, ù kì kyilə ŋwò imùə̀ itsà yìy.

Mə dzîy bə̀ àyiə àsoŋə̀ yìy â ghà nə̀ à mày kə nə̀ wù zu yə̀ ŋwò ìsaŋ yiy ambvə̀d, i pfə tsə, abu à də wày ghii, à kì dyòʼò kə ighe nə̀ noŋə̀ ìghè yiy. Abu i kwuni pfə tsə nəniy, i fyi kə, nɛmə kə, bù nə̀ ndə̀mə̀ àsə àliy yiy.

Mə bû fə̀ anə mbyi yəə à də̀ tə kaʼì, tə aghû yə̀ àdzə̀m ghu bɛmə nəniy awò mìə̀, nə̀ ghu kə doʼò təŋ dzə̀ an-a-ləm

Aghû yə̀ ghu zuw nəniy ntwum yə mə niʼà nəniy kə̀ kwuni fâʼ nəway ayiə yə ntwùm ə̀ ìghè yə̀ dzìy nəniy, mə kî saʼ dzə̀ wày ghu. Mə bû ani bù bii fyi aghû, mə kə̀ bû dzə̂ ani bù saʼ aghû.

Mə̀li nìy kə sòʼò mbvu mə̀ lyimə̀ mìy, ghu kə zəŋi nəniy anə ufyiə ùliy wiy ghu twoŋə nə̀ à də̀ nâd, ivən yiy kə ŋge taw ate, kwe tsə anə awèe Yesù, zə̀d màʼà tsə nə̀ ŋwù t-a-tuw tə we tiy. Zuk kə məbvu kə lyìmì tsìy yə̀ anə ndaw idzə̀m.

Ghu nìy kə ubîy uswam, bənə yə̀ nə̀ ughe wiy ani zù kpe nìy we. Ghu zɛmə yə̀ ayiə nə̀, “Ukali wiy də awò Zə̀kìy! Zə̀kìy lwîy wù wə̀ ù bè nəniy anə izəd i Mwe ə̀ mbyi, Zə̀kìy lwîy dòŋ kə ghè Islàel!”

Yesù ə bə̀lì kə a ghu nə, “Soŋə fiy mə kpe nyiə â Zə̀kìy ani dè bə̀ nə̀ Wà Wù də̌ wù ùsòŋə̀ wìy.