Popular Bible Verses from Péna a Apotereri 1

શેર કરો

Dáy, i e ziŋ kpɔ́ŋa, ka Têm Pukí e ɗere kɔ̧ tûl a wǎyri. Falké, i e kaw ɓá njukuri ka e saɓay a mǐ, a Zerúzalɛ̂m, a Judé too rá̧ tísiri a Samarí sé ka̧ kɔ́rɔ́ a tísiri too.

Zezú zi a sa ɓá: «Zi kó wǎyri ɓay i tu nâmké malé sêeké ka hɛ̧kéri e ka̧nay nyá, ɓayhí̧lé Bâa a mǐ tí ŋgbá nâmké ka̧n dá, ka ŋgboro a kpɔ́ŋa a mɛ̌.»

Sêe a há̧na, a ké kaw sɔ̧́lâʼa kuu kuriri, ké hí̧ nzáʼa nzɛ́rɛ hí̧ kuriri ɓá: «Í zi ná sé ɗí ka Zerúzalɛ̂m. I zoko hɛ̧ ka Gáŋvbôn ŋgá̧nzáʼa ɓay niŋáké, hɛ̧hí̧na ka mi tí saɓayké hí̧ wǎyri. Ɓayhí̧lé, Zâŋ ɓá njukuri nyá batêm ka ŋgboro a mbii, dáy a wǎyri, a ɓil nâm kpay nɛ́, Gáŋvbôn e hí̧ wǎyri batêm a Têm Pukí.»

Nâm bonɛŋ ka fal hûl a mɛ̌, Zezú tɔ́ʼɔ mûn nɛ́ a ŋgboro a fékéri ɓórí ɓórí hí̧ kuriri, ɓá ké kaw ka ndísɛ̌ʼɛ, a sa hí̧ kuriri ɓay ka kó Pû a Gáŋvbôn.

Fal sa nǎŋnɔ́, Zezú uru a he sé nûnalê. Gelka apotere a mɛ̌ri̧ ew kaw ɛ̧rɛ̧ nɛ́y, ké ri ɓil ɗaʼama a mbɔ̂m, dáy kú zi kó nɛ́ mbaa.

Kú ew a kaw ɓá ɛ̧rɛ̧ gel gé ɓá nûnalê, núnmbɛ̧́nɛ́ njukuri sére, ri lâʼa a Pukí, tɛ̧́ gí ew ka gbaŋa a kuriri, a sa hí̧ kuriri ɓá: «Wǎyri njuku Galilêri, ɓayhí̧rá̧, i kaw ɓá ɛ̧rɛ̧ gel gé ɓá nûnalê lé? Ɓá Zezú, pé Gáŋvbôn lú nɛ́ a bazeŋ a wǎyri, ɓay a sé nûnalê. Ké e regí ɓá báŋké nɔ́, ka i kó nɛ́ he sé nûnalê.»