Popular Bible Verses from Mata 5

શેર કરો

Daha anda gəɗakwa kwakwaw fa petərla sə, ka ta raɓaɗ a dara jene bay, amaa maɗaraɗ a yaŋ jene, ara nesey, e weɗecen slam kad ndah da way ana fakwanay. Ara aŋga ana, a lada meweɗ takwar de weɗey fa yam te ndey ta ndana hay, afa aca ra wala mezlər hay takwar mambəla ana masa akwar ta ŋgiya, ac da hahəm Papaŋ takwar masa aŋga da baymaləvaŋ.»

«Asaya, akwar sə, slam mawaɗa ta vavara. Wunam mazlakava malama da yaŋ maɗar sə, a zlafa mereɓ bay.

Mapəsma ɓa kad ndah masa rav tec mapana, afa ac ta wala Zlavay.

Mapəsma ɓa kad ndah mahura meŋgə jene ara aŋga ana, afa ec te mbəneceŋ.

Amaa yey, ya gwaɗakwar, mawal maslagəra takwar hay va macə mbahw mafay ta ndah masa aca ŋgadakwar hahar

«Mapəsma ɓa kad ndah masa aca səniya dapa rav teceŋ ac maslamarga hay, afa Wunam ta bay da baymaləvaŋ hay sə, mapa kad eceŋ.

Mapəsma ɓa kad ndah mehwedek meteh pa taɓa ta ndana hay, afa ec te zelec wudeh ta Zlavay.

Mapəsma ɓa kad ndah makwaɗma hay, afa ac ta ŋgat macam vavara.

Mapəsma ɓa kad ndah masa ndana hay ece ŋgedec hahar mafay te meŋgə jene ara aŋga ana, afa Wunam ta bay da baymaləvaŋ hay sə, mapa kad eceŋ.

Mapəsma ɓa kad ndah maŋga metekwen fa ndana hay, afa ac te ŋgefec metekweney.

Mapəsma ɓa kad akwar daha masa ndana hay aca lafakwar, aca ŋgadakwar hahar va maŋgafakwar mbaɗa mbaɗa hay mafay ta masa akwar ndah taaɗaw. Manjah dapa mewesley, meweslə masa magaa ana, afa akwar ta ŋgat meyəv takwar mazlakava ana da baymaləvaŋ. Ara nesey ana, ec ke ŋgedec hahar kad ndah mehwedek ma hay masa ac ka njah dapa vavara kamma fakwar.»

Mapəsma ɓa kad ndah masa ac ava makuɗa dapa ndey, afa ac ta ŋgat matək rav.

«Akwar sə, fəceɗ ta vavara. Daha fəceɗ ka zana mecen tata avəda sə, e de tər ke fəceɗ saya sə, a ŋgana gwagumaw? A jəna nda ɓasabay, aca tamda kad a vəda, ndana hay aca mbərasla avəda.»

Manjah ndah maŋga jene fakwanay ara Papaŋ takwar da baymaləvaŋ aŋga nda maŋga jene hay fakwanay.»

Daha akwa gweɗey, megweɗ: “Aŋga”, daha aabay “away”. Ma hay dərziya sə, ece dek da vara bay ta haalay.»

«Akwar ka cəna ma masa magwaɗa ana daha, gege: “Ndey kad ndey, zleŋ kad zleŋ”. Amaa yey, ya gwaɗakwar, daha ndana ka ŋgakaa jə masa e teh bay sə, ka ta vahan eve jə masa e teh bay bay. Sesəker daha ndana a kəɗakaa pa baazlam jaka luwa ta zam sə, ŋgwadan gəva leŋgeɗ saya may.

Daha ndey ta zam takaa a hwadakaa pe meŋgə mebərey sə, huslaka avəda, kazlda dəreŋ ava kaa, afa zuwan ka ta zana gəva ta vaw takaa amta avəda, da yaŋ masa ke te dey ava vaw takaa fakwanay kad pa kwakwaw masa e te ndəv aabay. Daha ha ta zam takaa a hwadakaa pe meŋgə mebərey sə, ŋgəla avəda, kazlda dəreŋ. Zuwan ka ta zana gəva ta vaw takaa amta avəda, da yaŋ masa ke te dey ava vaw takaa fakwanay kad pa kwakwaw masa e te ndəv aabay.