Popular Bible Verses from Zaŋ 6

શેર કરો

Yesu gege: «Yey sə, ya ɗaf masa e və mesfeney. Nda masa ke dek vereyey sə, may a ta kəɗa ɓasabay. Nda masa ka kəs ma aɗaw sə, yam a ta kəɗa ɓasabay.

Mesfen Mavəna sə, a və mesfen kad ndana hay, ndana aŋga amta sə, a zlafa meŋgə jene aabay. Ma hay masa ya ta gwaɗakwar nesey sə, aca vakwar Mesfen Mavəna va mesfeney.

Akwar te ŋgə mezlərey mafay ta ɗaf masa a ta nasata dapa vavara na bay, amaa meŋgə mezlərey mafay ta ɗaf masa a ta njahay, a ta və mesfen katar ka midakw, ɗaf masa Wut ta nda a ta vakwar, afa Zlav Papaŋ ka pana tampaŋw tata fətiya.»

Mawala jə masa Papa a waya: Nda masa a wala Wudiya, a kəs ma tata, a ŋgat manjah katar ka midakw, yey may, pas te mendəv ta vavara sə, ya ta pəraka avəda dapa maməcay.»

Yesu ke vehecen, gege: «Mezlər masa a wafa Zlavay sə, mekəs ma ta nda masa aŋga te zlərekey.»

Ndah masa Papa te vuwec fakwanay, ec te dekec kad vereyey. Ara nesey, nda masa e dek kad vereyey sə, ya mbasana aabay

Simaŋw Piyer ka vahan, gege: «Bay Mazlakava, taciya anda ra də sə, vara wa la wa? Kaa sə, ka ava ma hay masa aca və manjah katar ka midakw.

Yey sə, ya ɗaf masa aŋga eve dey, masa e dek da baymaləvaŋ. Daha ndana ka ndaw sə, a ta njah eve ndey katar ka midakw. Ɗaf masa ya ta viya sə, slaw ta vaw taaɗaw, ya ta viya ana sə, afa ndah dapa vavara aca ra njah eve ndey.

Kwa ndana mazlafa medek kad vereyey ava gədaŋ tata sə, aabay, say Papa, nda mezlərekiyey, te hwedekey. Ara nesey, pas te mendəv ta vavara sə, ye te pərekekec avəda dapa maməcay.

Ɗaf ta Zlavay sə, aŋga nda masa e dek da baymaləvaŋ, mavana mesfen kad ndah ta vavara sə, aŋga.»

Yey sə, ya ɗaf masa e və mesfeney.

Yesu ka kəs peŋ ana hay, ka ŋgana wasay Zlavay, ke vənecen kad ndana hay faŋga. Ka kəs kəlef, ka ŋgaw ara aŋga ana. Kwa waawa ka ndaw mban ara aŋga ta waya. Masa ac mban cay sə, Yesu ke gweɗec ndah masasəraka jene tata, gege: «Meɓəcekec mepepəsey ana hay masa maza fakwanay, afa kwa kusetke e de nes taambəla bay.»

Masa ece zleŋgə ava kaslkaslah ana, e ŋgə kilewmeeter zlam, daha aabay makwa sə, aca wala Yesu e dey da yaŋ yam, aŋga zef vara kaslkaslah ana. Ara nesey, zidaw ke kəɗeceŋ, amaa Yesu gege: «Na yey, akwa ŋgə zidaw bay!»