Popular Bible Verses from Genesis 9

શેર કરો

Nilculmi Tayta Dios nin: “Lluy cawsäcunäman limalicuśhäca wiña-wiñaypä rasunpa caśhanta tantiapäcunayquipä caymi camalachinꞌa: Tulumanyäta pucutaycäman śhalcachishäcämi. Caymi cay pachäman limalicuśhäcäpa camalachïnin canꞌa.

Chay tulumanya śhalcüśha cayaptinmi yalpaläśhä lluy cawsäcunäwan limalicuśhäca wiña-wiñaypä caśhanta” nil.

“Nunaca quiquin Tayta Diosnüllam lulaycuśha cayan. Chaymi mayanpis nuna-masinta wañuchïcätá, quiquintapis juc nunatac wañüchinꞌa.

Tayta Diosmi Noeta, lluy chulincunactawan allin capäcunanpä nin: “Achca chuliquicuna cachun; jinal cay jinantin pachäman juntapäcuy.

Chaynütac cay pachäćhu imaymana licchä cawsäcunäpis, imaymana ricäducunäpis micapäcunayquipämi canꞌa.

Lluy uywacunapis manchaculcäśhunquim. Jinantin pachäćhu imaymana uywacunäta, pälïcunäta, yacucunäćhu cawsäcunätapis maquiquimanmi ćhulaycamú.

Ñatac amcunapá achca milayniquicuna cachun. Jinal jinantin pachäman juntapäcuy” nil.