Popular Bible Verses from Matthew 5

શેર કરો

“Nor wad men licht a crusie, and pit it neath a cog, but set it up; and it gies licht to aʼ the hoose. “Sae lat yere licht gang abreid amang men; that seein yere gude warks they may gie God glorie.

“Ye are the warldʼs licht. A toon biggit on a hill‐tap is aye seen.

“Happy the pure‐heartit: for their een sal dwal upon God!

“Happy they whase hunger and drouth are aʼ for holiness: for they sal be satisfyʼt!

“But say I, Loʼe yere faes; bless the anes that ban and curse ye; seek the gude oʼ thae that hate ye; and pray for sic as shamefully ill‐treat ye, and seek for yere wrang

“Happy the spirits that are lown and cannie: for the kingdom oʼ Heeven is waitin for them!

“Happy the makkers‐up oʼ strife: for they sal be coontit for bairns oʼ God!

“Happy they wha are makin their maen; for they sal finʼ comfort and peace.

“Happy the ill‐treatit anes for the sake oʼ gude: for theyʼse hae the kingdom oʼ God!

“Happy the pitfuʼ: for they sal win pitie theirsels!

“Happy sal ye be when folk sal miscaʼ ye, and ill‐treat ye, and say aʼ things again ye wrangouslie for my sake! “Joy ye, and be blythe! for yere meed is great in Heeven! for eʼen sae did they to the prophets afore ye!

“Happy the lowly and meek oʼ the yirth: for the yirth sal be their ain haddin.

“The saut oʼ the yirth are ye: but gin the saut hae tint its tang, hooʼs it to be sautit? Is it no clean useless? to be cuisten oot, and trauchlʼt under folkʼs feet.

“But ye maun be perfete, eʼen as yere Faither Aboon is perfete!”

“But lat yere answer be, ‘Aye, aye,’ and ‘Na, na!’ for onything mair comes oʼ nae gude.

“Ye ken it has been said, ‘An ee for an ee, and a tooth for a tooth!’ “But say I, Resist‐ye na ill; but gin ane clour ye on the ae cheek, turn ye till him the ither as weel.

“And gin yere richt ee ensnare ye, oot wʼit, and cast it frae ye! it is for yere gude that ae member soud be destroyʼt, and no that yere hail body soud faʼ intil hell! “And gin yere richt haun ensnare ye, cut it aff, and cast it awa! better for ye that ae member soud fail, and no that yere hail body soud faʼ intil hell!