Popular Bible Verses from Mataayo 10

શેર કરો

“Ibheere mutëghëërëra, ˆnekabhatoma kinya changʼöndu ghateghate e chasuuche. Mbe, mubhe na amangʼiini ghe nchöka, wiiki mubhe bhahörëëru ghe sarari.

Omooto wowoose uno akwënda kobhuhöni obhuhöru bhooche, nakobhori obhuhöru bho miishe ghyose. Wiiki wowoose uno akobhobhori obhuhöru bhooche gho ghiri yaane, nakobhubhöna obhuhöru bho miishe ghyose.

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Omooto uno ataaghughëgha omusarabha waache na ghuntambana, taakundëngʼaanera.

Mbe, omooto wowoose uno akonyishereri ambërë e bhaato, na neeni nekomwishereri ambërë e Taata waane uno anyi Mwishaaro. Amare, wowoose uno akonyanga ambërë e bhaato, na neeni nekomwanga ambërë e Taata waane uno anyi Mwishaaro.

Muhöri abhabhabharu, moryoki abhaku, mwëri bhano bhaanyi na ambiti na kuhëëbha emisambu. Mbe, gho kubha Eryobha ndebhaheere bhoowa, na niinyu moruusi bhoowa.

Mbe, motabha moratiina gho kubha inyu moonyi no obhwëra ghokera ebhichëghë bhyaru.

“Motabha moriihëëbha kubha niichiri mo‑se ino gho ghiri e kurëëta omurëmbë. Tiyaanyi! Taanyi hangʼu. Amare, niichiri gho ghiri e kurëëta eriihë.