Popular Bible Verses from Eyɔɔ 6

શેર કરો

Éngɛ Yeso toʼro apɛpɛ kpe, “Mmɛ ne ende wɛ e ma ndɛ̀ʼ etyê kemyɛ ebe bɔ ngɛ. Egho wɛ ma zeʼe ena ngɛ wa ka nchwɔrɔ gwɔn. Gho wɛ ma bɛ̀rɛ ene mmɛ ngɛ wa ka fi̧ri fe.

Na azhwɛɛrɛ Ngwe a ma ndɛʼ etyê ebe bɔ. Nyɛmekwa gho na ala bli. Aga yɛ mmɛ à shi ga endɔn ngɛ na azhwɛɛrɛ gɛ̀rɛ̀ mwɔ etyê.

Mbɔn ke fwɛʼ ene ande yɛ a ma bɔɔ ngɛ bo. Ankɔmɔ engɛ̂, mbɔn ke ma ande yɛ a ma ndɛ̀ʼ etyê kengudu wɛ Ŋwɔ Gho ma ndɛ̀ʼ ngɛ mbɔʼnga Ngwe àtɛ a shi ge anɛ̂ mɔ ene engɔ é le engɛ̂.”

Enga ebwa àtɛ ngu ne ga kpe gho ŋwàʼaŋwàʼ wɛ è zo ŋwɔ è bɛ̀rɛ ene engɔ ngɛ è yà nde etyê kemyɛ. Mmɛ wa ngo zhwɛɛmɛ angɔ anji ngùdu.”

Yeso gíì kpe, “Ebwa wɛ Ngwe ma ke ngɛ ne ga kpe mbɔn bɛrɛ ene engɔ wɛ engɔ à tɔm efwɔ ese ngɛ.”

Abɔ ngɔ byɛ àtɛ ma ndɛ̀ʼ ena ngɛ ba zeʼe ena. Egho wɛ zeʼe ena ngɛ mmɛ wa ke engɔ fli

Shimun Petoro gíì kpe, “Masakɛ mbyɛɛ ngɔɔ ebe wɛ? Ngwo a me le ega wɛ e ma ndɛʼ etyê kemyɛ ngɛ.

Mmɛ ne ende wɛ e me kla zeʼe ezob ngɛ. Egho wɛ è nde ende wunɔ ngɛ wa tye ekyɛ ŋwaʼ. Ende wunɔ na nyɛm ekwa ndza yɛ mmɛ ma ndɛʼ mbɔʼtye bɔ efwɔ ese tye àkɔʼɔ ngɛ.”

Gho deʼ ke né zeʼ ena wɛ àtɛ wɛ à tɔm angu ngɛ ne nu engɔ zeʼe bo, mmɛ gɛrɛ ma ngo zhwɛɛmɛ engɔ anji ngùdu.

Mbɔʼnga mmɛ na ǹgoŋ Ngwe yɛ me zeʼe ezob gɛ̀rɛ̀ ma ndɛʼ etyê ebe ese ngɛ.”

Mmɛ ne ende wɛ e ma ndɛʼ etyê ebe bɔ ngɛ.

Yeso shi nu ebɔʼ ǹgoŋ byɛ mane shuuru chɛ ndɛ̀ʼ ebɛrɛ ebe Ngwe, shi ndɛ̀ʼ ebe bɔ bɛɛrɛ abwa mɔ e gɛbbɛ ndɛ̀ʼ ebe abɔ à me tsɔmɔ a chwâ ngɛ, gho ŋwàʼaŋwàʼ nde e zo. Èndzobo chɛ angɔ à shi nde e zo ngɛ, Yeso ga ebe bɔ bɛɛrɛ abwa mɔ kpe, “Mbɔn shunu etseʼre yɛ e me tye ngɛ, mbɔn ke tsɔŋɔ ala deʼ bo.”

Angɔ à shi ngɔɔ na emayl tɛd kà ekwɛ̀ nɔ efwɔ ndim. Angɔ sa kɔʼ e zɔ Yeso sa zeʼe ebara ekpe wɛ ma zhiri edɔm ndim, èklɔ̀ bere angɔ. Bɛʼngɛ Yeso gâ ebe angɔ kpe, “Mbɔn ka bum, na mmɛ.”