Popular Bible Verses from Genesis 17

શેર કરો

Аврама йӑрсот йӑрәтйаӈ тӑԓ ус, хун Турәм Куща ԓўв йэщаԓтәԓ этәс пӑ ԓўвеԓа йастәс: «Ма Иса Верәтты Турәм, Ма йэԓпемән йӑӈха пӑ вещката уԓа

Аврам нэмен хӑйԓэн, пӑ тӑԓта йэԓԓы нӑӈ нэмен питәԓ: Авраам, Ма нӑӈен ар сыр мир ащийа верԓэм

Ма йастантәпсайэм мин кўтэмәнән пӑ йэԓԓы уԓты нӑӈ ԋаврэмԓан пиԓән верԓэм, щит веккеша уԓты йастантәпса, щиты Ма нӑӈ Турмена пӑ нӑӈ йўпен ԋаврэмԓана Турма уԓты питԓәм

«Тӑм Ма йастантәпсэм нӑӈ пиԓэнән: ар сыр мир ащийа нӑӈ питԓән

Турәм пӑ йастәс: «Вŏԓԓы нӑӈ имен Сарра нӑӈена пŏх сэма пайәтәԓ, нӑӈ пӑ ԓўвеԓ Исаак нэмән пŏнԓэн; Ма пӑ йастантәпсайэм ԓўв пиԓәԓән веккеша йастантәпсайа верԓэм, пӑ ԓўв йўпеԓән уԓты ԋаврэмԓаԓа.

ин нӑӈ па мўвәӈ хŏйат иты уԓты Ханаан мўвен нӑӈена пӑ нӑӈ йўпенән рутәмты ԋаврэмԓана хŏԓ мӑԓэм, веккеша тӑйты мӑԓэм; пӑ ԓывиԓаԓа Турма уԓты питԓәм».

Авраам хŏмта рӑкнәс пӑ ԋӑхән йŏхәтса пӑ ԓўв сӑхатәԓ йастәс: «Сот тӑԓпи ики эԓты пŏх хун уԓ? Йӑрсот тӑԓпи Сарра мўй щирән ԋаврэм сэма пайәтәԓ?»

Щӑԓта Турәм Авраама йастәс: «Сара имен пӑ аԓ айәԓты Сара нэмаԓән, ԓўв нэмәԓ питәԓ: Сарра.

хŏԓ йох хŏйатәта сэма питәм йох ԋаврэмәт пиԓән эвәтты щир вераты: щит Ма нын пиԓанән йастантәпсайэм поса питәԓ.

Туп Ма йастантәпсайэм Исаак пиԓән верԓэм, папуш и тӑм пŏрайән Саррайән нӑӈена тӑйты пŏхен пиԓән».

Кашәӈ сэма питәм йох ԋаврэм нын рутԓән хŏща, нӑӈ пӑ нӑӈ йўпенән энәмты ԋаврэмԓан пӑ ԓыв ԋаврэмԓаԓ ԋаврэмәт хŏща ԋийәԓ хӑтԓа йитаԓән эвәтты щирән ат верԓайәт. Шŏши хотән сэма питәм пӑ щел ŏх сӑхат па рут хŏйат эԓты ԓутәм ŏт, хŏй ӑнтом нӑӈ рутэн эԓты, эвәтты щирән ат верԓайәт. Щишән, нӑӈ хотэнән сэма питәм ŏт пӑ щел ŏх сӑхат ԓутәм ŏт эвәтты щирән ат верԓа, щиты Ма йастантәпсайэм нын эԓәнән веккеша йастантәпсайа питәԓ.