Popular Bible Verses from ငဝ်ႈၵမ်ႇၽႃႇ 15

શેર કરો

ပိူဝ်ႈ​ဢၼ်​မၼ်း​ယုမ်ႇ​မၢတ်ႈ​ထႃႇဝရႃႉ​ၽြႃး​လႄႈ၊ မၼ်း​ၸဝ်ႈ​မၢတ်ႈ​တၢင်း​ယုမ်ႇ​မၢတ်ႈ​မၼ်း​ၼၼ်ႉ ပဵၼ်​ၸိူဝ်ႉ​ၼင်ႇ​တၢင်း​ဢၼ်​သိုဝ်ႈ​တေႃႇ​ဢေႃႈ။

ဝၢႆး​ၼၼ်ႉ၊ ၼုၵ်ႈၵပၢတ်ႈ​ထႃႇဝရႃႉ​ၽြႃး​ႁွတ်ႈ​မႃး​တီႈ​ ဢႃႇပြမ်ႇ ​ၼႂ်း​ပျႃႇ​တိၵ်ႈ​ရူႇပႃႇရူင်ႇ​လႄႈ​ဝႃႈ၊ ဢႃႇပြမ်ႇ ​ဢိူၺ်း၊ ယႃႇ​ပေ​မႆႈ​ၸႂ်။ ၵဝ်​ပဵၼ်​တီႈ​ႁႄႉ​တီႈ​ၵင်ႈ​မႂ်း၊ ဢၵျူဝ်း​မႂ်း​ဢၼ်​ယႂ်ႇ​ၼႃႇ​လူင်​လၢင်​ဢေႃႈ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊

ဢဝ်​မၼ်း​ဢွၵ်ႇ​ၵႃႈ​ၼွၵ်ႈ​သေ​လႄႈ​ဝႃႈ၊ ႁႅၼ်​တူၺ်း​ၵၢင်​ႁၢဝ်​တႃႉ။ ပေႃး​ၼပ်ႉ​ဢၢၼ်ႇ​လၢဝ်​လႆႈ​ၸိုင်၊ ၼပ်ႉ​ဢၢၼ်ႇ​တႃႉ၊ ဝႃႈ​ၼင်ႇ​ၼႆ​လႄႈ သမ်ႉ​လၢတ်ႈ​လႄႈ​ဝႃႈ၊ ၸိူဝ်ႉ​ၶိူဝ်း​မႂ်း​တၵ်း​လႆႈ​ပဵၼ်​ၸိူဝ်ႉ​ၼင်ႇ​ၼၼ်​ဢေႃႈ ဝႃႈ​ၼင်ႇ​ၼႆ​ဢေႃႈ။

ၵမ်း​ၼၼ်ႉ ၼုၵ်ႈၵပၢတ်ႈ​ထႃႇဝရႃႉ​ၽြႃး​သမ်ႉ​ႁွတ်ႈ​မႃး​တီႈ​မၼ်း​လႄႈ​ဝႃႈ​ၸမ်ႉ၊ ၵေႃႉ​ဢၼ်​မႂ်း​ဝႃႈ​ၼၼ်ႉ ဢမ်ႇ​လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​မႂ်း။ ၵေႃႉ​ဢၼ်​ဢွၵ်ႇ​မႃး​ၵႃႈ​ၼႂ်း​တွင်ႉ​မႂ်း တၵ်း​လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​မႂ်း​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

မၼ်း​ၸဝ်ႈ​ၵေႃႈ​လၢတ်ႈ​တီႈ​ ဢႃႇပြမ်ႇ ​လႄႈ​ဝႃႈ၊ မၢတ်ႈ​တွင်း​လွင်ႈ​ဢၼ်​ၸိူဝ်ႉ​ၶိူဝ်း​မႂ်း တၵ်း​လႆႈ​ပဵၼ်​ၶႅၵ်ႇ​ယူႇ​ၵႃႈ​ၼႂ်း​မိူင်း​ဢၼ် ၶဝ်​ဢမ်ႇ​ပိူင်ႇ​ၼၼ်ႉ​သေ​လႄႈ ၶၢမ်ႇ​တၢင်း​ဢၼ်​ၶၢမ်ႇ​ႁဵတ်း​ၶႃႈ​ၵႃႈ​တီႈ​ပိူၼ်ႈ ဢိၵ်ႇ​တင်း​တၢင်း​ဢၼ်​ပိူၼ်ႈ​ၼိၵ်ႈ​ၸၢၵ်ႈ​ငႅၼ်း​သႄး သီႇ​ပၢၵ်ႇ​ပီႊ​တဵမ်​တဵမ်​ၼၼ်ႉ​ဝႆႉ​တႃႉ။

ဢႃႇပြမ်ႇ ​လဝ်ႊ​လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​ပဵၼ်​ၸဝ်ႈ​တီႈ​ၶႃႈ၊ ၶႃႈ​ၸဝ်ႈ​ယင်း​ဢမ်ႇ​မီး​လုၵ်ႈ​မီး​လၢင်း​လႄႈ ၵႂႃႇ​ယူႇ​တီႈ​ၶႃႈ​ဢေႃႈ။ ၵူၼ်း​ဝဵင်း​ ထမ်ႇမသႅတ်ႉ၊ ဢေးလေႇၸႃႇ ​ၼႆႉ လႆႈ​ပဵၼ်​ၵေႃႉ​ဢၼ်​တၵ်း​ၶၢမ်ႇ​ဢမူၺ်ႇ​ၶႃႈ​ၸဝ်ႈ​တီႈ​ၶႃႈ​ဢေႃႈ။ ပိူဝ်ႈ​ၼႆ​လႄႈ ၸဝ်ႈ​ႁဝ်း​တၵ်း​ႁဵတ်း​ၵျေး​ၸူး​ဢၼ်​လႂ်​တီႈ​ၶႃႈ​ၸဝ်ႈ​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

ဝၼ်း​ၼၼ်ႉ ထႃႇဝရႃႉ​ၽြႃး​ႁဵတ်း​ပတီႉၺိၺ်ႇ​လူၺ်ႈ​ၵၼ်​တင်း​ ဢႃႇပြမ်ႇ ​လႄႈ​ဝႃႈ၊ ၵဝ်​တၵ်း​ဢဝ်​မိူင်း​ၼႆႉ ၸႃႉ​ၸဵမ်​ၼမ်ႉ​ႁွင်ႈ ဢေႇၵိပ်ႉတူႉ တေႃႇ​ထိုင်​ႁွတ်ႈ​ၼမ်ႉ​ႁွင်ႈ​လူင်​ဢၼ်​ဝႃႈ​ၼမ်ႉ​ႁွင်ႈ​ ဢူႉၽရတ်ႉ ​ၼၼ်ႉ၊

မိူဝ်ႈ​ဢၼ်​မဵဝ်း​ၵူၼ်း​ထိုင်​ႁွတ်ႈ​သီႇ​သိုပ်ႇ​ယဝ်ႉ​ၸိုင်၊ ၶဝ်​တၵ်း​လႆႈ​ၶိုၼ်း​မႃး​ၵႃႈ​တီႈ​မိူင်း​ၼႆႉ​ဢေႃႈ။ လွင်ႈ​မၼ်း​ၸမ်ႉ တူႉ​ၸရိူၵ်ႈ​ဢပႅတ်ႈ​ၵူၼ်း​ ဢႃႇမေႃးရီႉ ​တင်း​လၢႆ​ၼၼ်ႉ ဢမ်ႇ​ပႆႇ​ပျေႉ​ပႆႇ​ၸုမ်ႇ၊ ဝႃႈ​ၼင်ႇ​ၼႆ​ဢေႃႈ။