Popular Bible Verses from ଲୁକାସ୍ 6

શેર કરો

ଦାନ୍ ଚିଆ, ଆରୁ ନିମାଗେହି ଦାନ୍ ଚିଆ କୋଦ୍। ଆଲାର୍ ଆଉଡ଼କାନୁ ଆର୍‌ବା-ଆର୍‌ବା, ନୁକା-ନୁକା ନିନ୍ଦ୍‌କା, ଉଛ୍‌ଲାରାନା ଜୁଟି ପୁରାଘି ପୁରା ନାପିକିରି ନିହ୍ମା ପାଁଣ୍‌ତୁନ୍ ଚିଅର୍, ଏନ୍ଦେର୍‌ଗେକା ଏକା ନାପ୍‌ତି ନିମ୍ ନାପ୍‌ଦାର୍, ଆତ୍ତିନ୍ ନିମାଗେହି ନାପା କୋଦ୍।”

ବାନେ ଆଲାସ୍ ତାଙ୍ଘାଏ ଜୀଆ ଉଲ୍‌ତା ବାନେ ଭାଣ୍ଡାର୍‌ତି ବାନେ ସୋଚ୍‌ବିଚାର୍ ପ୍ରକଟ୍ କାମ୍‌ଦାସ୍, ଆରୁ ଖାରାପ୍ ଆଲାସ୍, ତାଙ୍ଘା ଜୀଆ ଉଲ୍‌ତା ଖାରାପ୍ ଭାଣ୍ଡାର୍‌ତି ଖାରାପ୍ ସୋଚ୍‌ବିଚାର୍ ପ୍ରକଟ୍ କାମ୍‌ଦାସ୍; ଏନ୍ଦେର୍‌ଗେକା ଏକାଦ୍ ତାଙ୍ଘା ଜୀଆନୁ ନିନ୍ଦକିଚି ଆଦିନ୍‌ତା ଥୁମ୍‌ଣାନ୍ତି ବାହ୍‌ରି ଉର୍‌ଖିଦ୍।”

ଲେକିନ୍ ନିଜର୍ ବିରୋଧିରିନ୍ ବାନେ ହାଖ୍ଖା, ଆରୁ ଆବ୍ଡ଼ାର୍‌ଘି ଭାଲାଇ କାମା, ଆରୁ ହାଖ୍‌ର୍‌ନାଘି ଆସ୍‌ରା ମା ଉଇକିରି ଉଧାର୍ ଚିଆ; ହାଲେ ନିହ୍ମା ଲାଗାନ୍ ବାଡ଼୍‌କା ଫଲ୍ ହାଖ୍ଖରୋ, ଆରୁ ନିମ୍ ଜାମାର୍ ମାହାନ୍ ପାର୍‌ମେଶ୍ୱାର୍‌ସ୍‌କି ହାଦ୍ଦୁ ମାନର୍‌କର୍, ଏନ୍ଦେର୍‌ଗେକା ଆସ୍ ନେଦ୍ ଧାନ୍ୟାବାଦ୍ ମା ଚିନାଏ ଆରୁ ବଦ୍‌ମାସ୍‌ର୍‌ଘି ମିଆଁ ଦାୟା କାମ୍‌ଦାସ୍।

ନିହ୍ମା ବାଙ୍ଗ୍ ପାର୍‌ମେଶ୍ଵାର୍‌ସ୍ ଏସ୍‌କେ ଦାୟାଲୁ ରାଦାସ୍, ଆନ୍ନେ ନିମ୍‌ହି ଦାୟାଲୁ ମାନା।”

“ଆରୁ ନିମ୍ ନ୍ୟାୟ ଆମା କାମା, ଆରୁ ନିହ୍ମା ବିରୁଦ୍ଧନୁହି ନ୍ୟାୟ କାମା ମା କାଇଦ୍। ନିମ୍ ଦୋଷ୍ ଆମା ଚିଆ, ହାଲେ ନିମାଗେହି ଦୋଷ୍ ଚିଆ ମା କାଇ। ନିମ୍ ଛେମା କାମା, ଆରୁ ନିମାନ୍‌ହି ଛେମା କାମାକୋ।

“ଲେକିନ୍ ଏନ୍ ନିମା ମେନୁରିନ୍ ତେଙ୍ଗାଲ୍‌ଦାନ୍ କା ନିମ୍ ନିହ୍ମା ବିରୋଧିରିନ୍ ବାନେ ହାଖ୍ଖା; ନେଦ୍ ନିମାନ୍ ହାଁଣ୍‌ନାଏ, ଆବ୍ଡ଼ାର୍‌ଘି ଭାଲାଇ କାମା। ନେଦ୍ ନିମାନ୍ ସାର୍‌ପାନାଏ, ଆବ୍ଡ଼ାରିନ୍ ଆଶୀର୍ବାଦ୍ ଚିଆ; ଆରୁ ନେଦ୍ ନିହ୍ମାଏ ବେଇଜ୍ଜତ୍ କାମ୍‌ନାଏ, ଆବ୍ଡ଼ାର୍‌ଘି ଲାଗାନ୍ ବିନ୍ତି କାମା।

ଆଲାର୍ ନିହ୍ମାଗାନେ ଏସ୍‌କେ ବେଭାର୍ କାମର୍‌ବୁଲି ଚାହାଁଲ୍‌ଦାର୍, ନିମ୍‌ହି ଆବ୍ଡ଼ାର୍ ଗାନେ ହନ୍ନେନ୍ ବେଭାର୍ କାମା।”

ଏକାର୍ ନିମାନ୍ ଅଣ୍ଟା ଗାଲ୍ଲେନ୍ ଥାପ୍‌ଡ଼ାନାଏ ଆବ୍ଡ଼ାର୍‌ଗେ ଆରୁ ଅଣ୍ଟା ଗାଲ୍ଲେନ୍‌ହି ଏଦାଚା; ଆରୁ ନେଦ୍ ନିହ୍ମାଏ ଚାଦର୍‌ବନ୍ ହୋନାଏକାନାଏ, ଆବ୍ଡ଼ାରିନ୍ ନିହ୍ମାଏ ଆତ୍ତ୍‌କା ମିର୍‌ଜୀନ୍‌ହି ହୁଆଗେ ମାନା ଆମା କାମା। ନେଦ୍ ନିମାନ୍ ନିନାଏ, ଆବ୍ଡ଼ାର୍‌ଗେ ଚିଆ; ଆରୁ ନେଦ୍ ନିହ୍ମାସ୍‌ତି ନିହ୍ମା ଜିନିଷ୍‌ବନ୍ ହୋନାଏକାନାଏ, ଆବନ୍ ଆବ୍ଡ଼ାର୍‌ସ୍‌ତି ଆରୁଅହନ୍ ଆମା ନିଆଁ।

“ଏନ୍ନେ ଏକାଦ୍‌ହି ବାନେ ମାନ୍ନୁ ମାଲ୍ଲାଦିନ୍ ଏକାଦ୍ କା ଖାରାପ୍ ଫାଡ଼ୁ ହାଞ୍ଜିଦ୍, ଆରୁ ଏନ୍ନେ ଏକାଦ୍‌ହି ଖାରାପ୍ ମାନ୍ନୁ ମାଲ୍ଲାଦ୍ ଏକାଦ୍ କା ବାନେ ଫାଡ଼ୁ ହାଞ୍ଜିଦ୍।

ଏନ୍ଦେର୍‌ଗେକା ଜାମା ମାନ୍ନୁଦ୍ ତାଙ୍ଘା ନିଜର୍ ଫାଡ଼ୁତି ଚିହ୍ନରିଦ୍; ଆଚ୍ଚୁ ମାନ୍ନୁନ୍ତିତା ଆଲାର୍ ଡୁମାରି ମା ଚହ୍‌ନାଏ ଆରୁ ଆଚ୍ଚୁ ହପ୍ପାନ୍ତି ଅଙ୍ଗୁର୍ ମା ଚହ୍‌ନାଏ।