Popular Bible Verses from मत्ती 20

શેર કરો

पय तोंहरे बीच माहीं अइसा न होंइ चाही, बलकिन जे कोऊ तोंहरे म से बड़ा बनँइ चाहत हय, त उआ तोंहार सगलेन के सेबा करँइ बाला बनय। अउर जे कोऊ तोंहरे म से मुखिया बनँइ चाहत हय, त उआ पहिले तोंहार पंचन के दास बनय; जइसन कि मनई के लड़िका एसे नहीं आबा, कि ओखर सेबा कीन जाय, बलकिन एसे आबा हय, कि खुदय दुसरेन के सेबा करय, अउर उआ खुब मनइन काहीं मुक्ती देंइ के खातिर आपन प्रान देय।”

देखा, जे कोऊ इआ संसार माहीं खुद काहीं सगलेन से बड़ा मानत हें, ऊँ पंचे स्वरग माहीं सगलेन से छोट माने जइहँय, अउर जे कोऊ इआ संसार माहीं खुद काहीं सगलेन से छोट मानत हें, ऊँ पंचे स्वरग माहीं सगलेन से बड़े माने जइहँय।”

तब यीसु उनखे ऊपर दया कइके, उनखे आँखिन काहीं छुइन, अउर ऊँ पंचे तुरन्तय देखँइ लागे; अउर यीसु के पीछे-पीछे चल दिहिन।