Popular Bible Verses from मत्ती 18

શેર કરો

काहेकि जहाँ दुइ इआ कि तीन जने हमरे नाम से एकट्ठा होत हें, हम उहाँ उनखे बीच माहीं हाजिर रहित हएन।”

अउर हम तोंहसे इहव कहित हएन, कि अगर तोंहरे पंचन म से दुइ जने, इआ धरती माहीं कउनव बात के खातिर एक मन होइके मगिहँय, त उआ स्वरग माहीं रहँइ बाले हमरे पिता परमातिमा के तरफ से, उनहीं जरूर मिल जई।

इआ बात काहीं सुनिके यीसु एकठे छोट क लड़िका काहीं अपने लघे बोलाइके, उनखे बीच माहीं ठाढ़ किहिन, अउर कहिन, कि “हम तोंहसे सही कहित हएन, कि अगर तूँ पंचे अपने सुभाव काहीं न बदलिहा, अउर छोट-छोट लड़िकन कि नाईं भोले-भाले न बनिहा, त तूँ पंचे स्वरगराज माहीं कबहूँ न जाए पइहा।

अउर जे कोऊ खुद काहीं इआ लड़िका कि नाईं छोट बनाई, उआ स्वरगराज माहीं सगलेन से बड़ा होई।

अउर जे कोऊ हमरे नाम से इआमेर के एकठे लड़िका काहीं सोइकार करत हय, त उआ हमहीं सोइकार करत हय।”

हम तोंहसे सही-सही कहित हएन, जउने बात माहीं तूँ पंचे धरती माहीं ‘हामी भरिहा’ त उआ बात माहीं स्वरग माहीं रहँइ बाले परमातिमा घलाय ‘हामी भरिहँय’; अउर जउने बात माहीं तूँ पंचे धरती माहीं ‘नाहीं करिहा’ त उआ बात माहीं स्वरग माहीं रहँइ बाले परमातिमा घलाय ‘नाहीं करिहँय’।

इहइमेर अगर तोंहरे पंचन म से हरेक जन, अपने भाई काहीं पूरी तरह से माफ न करी, त स्वरग माहीं रहँइ बाले हमार पिता परमातिमा, तोंहसे उहयमेर बरताव करिहँय।

जे कोऊ हमरे ऊपर बिसुआस करँइ बालेन काहीं, चाह उआ छोट क लड़िकय होय, उनसे पाप कराबत हय, त उआ मनई के खातिर इआ ठीक कहाई, कि एकठे बड़ी काहीं चक्की के जेतबा ओखे गरे माहीं बाँधिके गहिल समुद्र माहीं बुड़ाय दीन जाय। काहेकि परमातिमा के सजा एहू से जादा मिली।

तूँ पंचे का समझते हया? अगर कउनव मनई के लघे सवठे गाड़र होंय, अउर उनमा से एकठे हेराइ जाय, त का उआ मनई निन्यान्नबे गड़रन काहीं उहँय, छोंड़िके, पहार माहीं जाइके, उआ हेरान गाड़र काहीं न ढूँढ़ी?