Popular Bible Verses from Panagnaan 21

શેર કરો

Na song hallom, lay na tinuman meꞌ Tuhan bay janjiꞌ na ni si Sara

Damikiyan anak-anak looy pun nangis na jaꞌ du. Sugaꞌ lay du takale leꞌ Tuhan anak-anak looy. Dari luu na suwara malaikat Tuhan pōꞌ man sulgaꞌ nginganan si Hajal, yuk na, “Oy tu kasusahan nu Hajal? Daa na ko ba hanggaw. Lay na du silay siꞌ takale Tuhan anak nu nangis ndooy. Pilay na ko pa mman anak nu. Ug-ugan nu na ya. Pabuwat ku sa ya poonan bangsa tanyag.”

sampay lay na ya battong. Dari san ndang toa na sila ka lla na, lay na du ya maddi ni waktu looy du siꞌ ma bay pinamāꞌ meꞌ Tuhan. Anak da siꞌ tu, lalla du bana yana meꞌ ndang bay njanjiꞌ meꞌ Tuhan.

Yuk si Sara, “Yaꞌ la tasaggaꞌ ku lannu atay ku meꞌ tuu na gantaan Tuhan njataꞌ ku. Kira ku, soysoy jaꞌ kaaka kadarihan ku meꞌ tuu, mastiꞌ kapatatto jaꞌ du.”

Sugaꞌ yuk Tuhan niiya, “Daa na ko ba susahan si Ismail ka ata bi si Hajal. Duwanun na jaꞌ oy-oy sohoꞌ si Sara ningkau. Ndang-ndang si Isahak du bay peneꞌ ku binuwat poonan panubuꞌ ma bay janjiꞌ ku ningkau.

Sugaꞌ yaꞌ du baw lay pabiya ku anak ata nu. Buwanan ku sa ya panubuꞌ paeka mari sila dari disu bangsa tanyag batan iya pun anak nu du.”