Popular Bible Verses from متى 7

શેર કરો

تَّارم، أَتَاف اَذَاوم يمُّوْش. رزُّوْم، أَتَاف اَذ تَافم. سْقرْقُوْبم، أَتَاف اَذَاوم رزْمن.

مِينْزِي مَارَّا ونِّي غَا يتَّارن اَذَاس يمُّوْش. ونِّي غَا يرْزُوْن اَذ يَاف. ونِّي غَا يسْقرقْبن اَذَاس ثْنُوْرْزم ثوَّارْث.

مَارَّا ونِّي يتْسْڒَان إِ وَاوَاڒ ينُو يخدّم زَّايس، نتَّا اَم يِجّن ن بْنَاذم ذ اَمِيغِيس يبْنَا ثَدَّارْث نّس خ وزْرُو.

ݣّث إِ يِوْذَان مِين ثخْسم اَذَاوم ݣّن. مَانَايَا ذ ڒْمَعْنَا ن شَّرِيعَا ن مُوْسَى ذ تَّعَالِيم ن لْأَنْبِيَا.

وَلَكِن ثَوَّارْث يحْصَرن ذ وبْرِيذ يقسْحن نِثْنِي تَاوْين غَار ثُوْذَارْث. ذْرُوْس إِي غَا يعْذُوْن سّنِّي.

أَذْفث زِي ثوَّارْث يحْصَرن مِينْزِي ثَوَّارْث نِّي يتَاوِين غَار جَهنَّمَا ثِيرِيو اَطَّاس، أَبْرِيذ نّس يسْهڒ. أَطَّاس إِي زَّايس يعدُّوْن.

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار. ئِتِيشّ مِين يدْجَان ذ اَصبْحَان إِ يِنِّي ذَاس ث يتتَّارن.

وَار تْعيَّابم حَدّ حمَا وَار كنِّيو يتْعيِّيب شَا أَربِّـي. مَامّش غَا ثْعيّْبم اَمنِّي إِ كنِّيو إِي غَا يعيّب أَربِّـي. ڒَعْبَر نِّي إِي ثْسخْذَامم ذ ونِّي إِي كِذْوم غَا يسخْذم أَربِّـي.

مَارَّا ونِّي يتْسْڒَان إِ وَاوَاڒ ينُو وَار زَّايس يخدّم شَا، نتَّا اَم يِجّن ن وفْغُوْڒ يبْنَا ثَدَّارْث نّس خ يِجْذِي.

مَايمِّي تْسحْقَرذ شْوَايْت ن ؤُڒُوْم إِݣ يدْجَان ذِي ثِيطّ ن وُوْمَاش، شك تتُّوْذ اَكشُّوْض إِݣ يدْجَان ذِي ثِيطّ نّش؟ مَامّش تݣّذ ثْزعّْمذ اَذ تِينِيذ إِ وُوْمَاش: اجَّا-ٱيِي اَذَاش د كّْسغ ڒُوْم-أَ إِݣ يدْجَان ذِي ثِيطّ نّش، شك عَاذ تجِّيذ اَكشُّوْض ذِي ثِيطّ نّش؟

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن. أَثن ثسّْنم س ڒفْعَايڒ نْسن. مَا زمَّرن يِوْذَان اَذ ڒقْذن ثَازَارْث زݣ يسنَّانن، نِغ اَذ كّْسن اَضِيڒ زِي ثْزݣّْوَارْث؟

ثَشجَّارْث ثَصبْحَانْت تَارو مِين يدْجَان ذ اَصبْحَان. ثَشجَّارْث ثَعفَّانْت تَارو مِين يدْجَان ذ اَعفَّان.

ثَشجَّارْث ثَصبْحَانْت وَار تِيْرو شَا مِين يدْجَان ذ اَعفَّان. ثنِّي ثَعفَّانْت وَار تِيْرو شَا مِين يدْجَان ذ اَصبْحَان.

مَارَّا ثَشجَّارْث إِي وَار يتِيْرْون شَا مِين يدْجَان ذ اَصبْحَان اَذ تْوَاقسّ اَذ تْمنْضَار ذِي ثْمسِّي.