Popular Bible Verses from يوحنا 6

શેર કરો

ينَّا-ٱسن عِيْسَى: "نش ذ اَغْرُوْم ن ثُوْذَارْث. ونِّي إِي غَاري د غَا يَاسن وَار يتْڒِيزِي عمَّارْص. ونِّي زَّايِي غَا يَامْنن وَار يتْفِيذِي عمَّارْص.

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

ينَّا-ٱسن عِيْسَى: "ذ ثَا ذ ڒْخذْمث ن أَربِّـي: أَذ تَامْنم زِي ونِّي إِي د يسّكّ نتَّا."

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

وَار يزمَّر ؤُڒَا ذ يجّن اَذ د يَاس غَارِي إِلَّا مڒَا س لْإِذن ن بَابَا إِي ذَايِي د يسّكّن، نش اَثِيذ سكَّرغ ذِي نْهَار اَنݣَّارُو.

مِينْزِي اَغْرُوْم ن أَربِّـي نتَّا ذ ونِّي إِي د يهوَّان زݣ وجنَّا يتِيشّ-اَس ثُوْذَارْث إِ دُّنشْت."

نش ذ اَغْرُوْم ن ثُوْذَارْث.

ئِيْسِي-د عِيْسَى اَغْرُوْم نِّي يشكَّر أَربِّـي، يفرق-يث إِ يِنِّي إِي ذِنِّي يقِّيمن. أَمُّو يݣَّا ؤُڒَا إِ يسڒْمَان، ؤُشِين-اَسن عْلَاحْسَاب مِين رزّْوْن. وَامِي جِّيوْنن، ينَّا-ٱسن إِ يمحْضَارن نّس: "جمْعث يڒقُّوْزن نِّي يشطّن حمَا وَار يتمْضيِّيع وَالُو."

وَامِي نِثْنِي تُوْغَا ؤُيُوْرن شَان خمْسَا نِغ ستَّا كِيلُوْمِت، ࢲْرِين عِيْسَى يݣُّوْر خ يضَارن خ وَامَان ن ڒبْحَر يقَارّب-د غَار ثْغَرَّابُوْت، نْخڒْعن س ثِيݣّْوْذِي. ينَّا-ٱسن: "أَقَا ذ نش، وَار تݣّْوْذم شَا."