Popular Bible Verses from ಯೋಹಾನೆ 6

શેર કરો

ಯೇಸು ಅಕ್ಲೆಗ್, “ಜೀವದ ರೊಟ್ಟಿ ಯಾನೇ, ಎನ ಕೈತಲ್ ಬರ್ಪಿನಾಯಗ್ ಏಪೊಗ್ಲಾ ಬಡವು ಆವಂದ್, ಎನನ್ ನಂಬುನಾಯಗ್ ಏಪೊಗ್ಲಾ ಬಾಜೆಲ್ ಆವಂದ್.

ಆತ್ಮಡೇ ಜೀವ ಕೊರ್ಪಿನವು ಆತ್ಮನೇ. ಮಾಸ ಒಯಿಕ್‌ಲಾ ಬರಂದ್ ಯಾನ್ ನಿಕ್ಲೆಗ್ ಪಂಡಿ ಪಾತೆರೊಲೇ ಆತ್ಮಲಾ ಜೀವಲಾ ಆದುಂಡು

ಬೆನ್ಲೆ, ಹಾಳಾದ್ ಪೋಪಿ ತಿನಸ್‌ಗಾದ್ ಬೆನೊಡ್ಚಿ, ನಿತ್ಯಜೀವೊಗು ಒರಿಯು ತಿನಸ್‌ಗಾದ್ ಬೆನ್ಲೆ. ಇಂಚಿತ್ತಿ ತಿನಸ್‌ನ್ ನರಮಾನಿ ಮಗೆ ನಿಕ್ಲೆಗ್ ಕೊರ್ಪೆ. ಐಕಾದೇ ಅಮ್ಮೆ ಆದುಪ್ಪು ದೇವೆರ್ ಆಯಗ್ ಮುದ್ರೆ ಪಾಡ್ದ್ ಅಧಿಕಾರ ಕೊರ್ತೆ.”

ಮಗನ್ ತೂದು ಆಯನ್ ನಂಬುನ ಪ್ರತಿಯೊರಿಯಗ್ಲಾ ನಿತ್ಯಜೀವ ತಿಕ್ಕೊಡು ಪನ್ಪಿನವೇ ಎನ ಅಮ್ಮೆರೆನ ಚಿತ್ತ ಆದುಂಡು, ಬೊಕ್ಕ ಯಾನ್ ಕಡೆ ದಿನೊಟು ಆಯನ್ ಜೀವೊಡು ಲಕ್ಕಾವೆ,” ಪಂಡೆ.

ಯೇಸು ಉತ್ತರ ಕೊರ್ದು ಅಕ್ಲೆಗ್, “ದೇವೆರ್ ಮೆಚ್ಚುನ ಬೇಲೆ ದಾನೆಂದ್ಂಡ, ಆಯೆ ಕಡಪುಡ್ದು ಕೊರಿನಾಯನ್ ನಿಕುಲು ನಂಬುನವೇ,” ಪಂಡೆ.

ಅಮ್ಮೆ ಎಂಕ್ ಕೊರ್ಪಿನವು ಮಾತಲಾ ಎನ ಕೈತಲ್‌ ಬರು; ಬೊಕ್ಕ ಎನ ಕೈತಲ್‌ ಬರ್ಪಿನಾಕುಲೆಗ್ ಯಾನ್ ಕಂಡಿತಾದ್ ದಂಕ್‌ದ್ ಪಾಡಯೆ.

ಐಕ್ ಸೀಮೋನು ಪೇತ್ರೆ, “ಕರ್ತವಾ, ನಿನನ್ ಬುಡ್ದು ಎಂಕುಲು ನನ ಬೇತೆ ಏರೆಡೊಪ್ಪ ಪೋವೊಲಿ? ನಿತ್ಯಜೀವ ಕೊರ್ಪಿನ ಪಾತೆರೊಲು ನಿನಡನೇ ಉಂಡು

ಪರಲೋಕೊಡ್ದು ಜತ್ತ್‌ದ್ ಬೈದಿ ಜೀವ ಕೊರ್ಪಿ ರೊಟ್ಟಿ ಯಾನೆ, ಈ ರೊಟ್ಟಿನ್ ಏರಾಂಡಲಾ ತಿಂದೆಡ ಆಯೆ ಏಪೊತ್ತುಗ್ಲಾ ಬದುಕುವೆ, ಬೊಕ್ಕ ಯಾನ್ ಕೊರ್ಪಿನ ರೊಟ್ಟಿ ಎನ ಮಾಸನೇ, ಅವೆನ್ ಲೋಕದ ಜನೊಕುಲೆಗ್ ಜೀವ ತಿಕ್ಕೊಡು ಅಂದ್‌ದ್ ಕೊರ್ಪೆ,” ಪಂಡೆ.

ಎನನ್ ಕಡಪುಡ್ದು ಕೊರಿನ ಅಮ್ಮೆ ಲೆಪ್ಪಂದೆ ಏರ್ಲಾ ಎನ ಕೈತಲ್‌ ಬರಯೆರ್, ಬೊಕ್ಕ ಯಾನ್ ಆಯನ್ ಆ ಕಡೇ ದಿನೊಟು ಜೀವೊಡು ಲಕ್ಕಾವೆ.

ದೇವೆರ್ ಕೊರ್ಪಿನ ಆ ರೊಟ್ಟಿ ಒವು ಪಂಡ, ಆಯೆ ಪರಲೋಕೊಡ್ದು ಜತ್ತ್‌ದ್ ಬತ್ತ್‌ದ್ ಲೋಕದ ಜನೊಕುಲೆಗ್ ಜೀವ ಕೊರ್ಪಿನವೇ,” ಅಂದ್‌ದ್ ಪಂಡೆ.

ಜೀವ ಕೊರ್ಪಿ ರೊಟ್ಟಿ ಯಾನೇ.

ಐಡ್ದ್ ಬೊಕ್ಕ ಯೇಸು ರೊಟ್ಟಿನ್ ದೆತ್ತೊಂದು ದೇವೆರೆನ್ ಸುಗಿತ್‌ದ್ ಕುಲ್ಲುದಿತ್ತಿನಾಕುಲೆಗ್ ಪಟ್ಟ್‌ದ್ ಕೊರಿಯೆ. ಐತ ಲೆಕ್ಕನೆ ಮೀನ್‌ನ್ಲಾ ಅಕ್ಲೆಗ್ ಬೋಡಾಯಿನಾತ್ ಪಟ್ಟ್‌ದ್ ಕೊರಿಯೆ. ಅಕುಲು ಬಂಜಾರ ತಿಂದಿನೆಡ್ದ್ ಬೊಕ್ಕ ಯೇಸು ತನ ಶಿಷ್ಯೆರೆಗ್, “ಒರಿದಿನೆನ್ ಒಟ್ಟು ಮಲ್ಪುಲೆ, ನೆಟ್ಟ್ ಒವುಲಾ ಹಾಳಾವೆರೆ ಬಲ್ಲಿ,” ಪಂಡೆ.

ಅಕುಲು ಓಡೊನು ಒಚ್ಚೊಂದು ಹೆಚ್ಚಿಕಡಿಮೆ ಮೂಜಿ ಇಜ್ಜಾಂಡ ನಾಲ್ ಮೈಲ್ ದೂರ ಪೋಯಿ ಬೊಕ್ಕ ಯೇಸು ಕಡಲ್ದ ಮೇಲ್‌ಡ್ ನಡತೊಂದು ಓಡದ ಕೈತಲ್‌ ಬರ್ಪಿನೆನ್ ತೂದು ಪೋಡಿಯೆರ್. ಐಕ್ ಯೇಸು, “ಪೋಡ್ಯಡೆ, ಯಾನೇ.” ಅಂದ್‌ದ್ ಪಂಡೆ.