Popular Bible Verses from Mateu 19

શેર કરો

Yesu avatalile kaha ambile ngwenyi, Kuli vatu kachahashiwako, oloze kuli Kalunga vyosena vyahashiwa.

Ngocho kaveshi cheka vavaliko, oloze vanapu mujimba umwe. Shikaho echi nanungu Kalunga, mutu kanda akachihandununako.

Avakumbulwile ngwenyi, Kamwatangahoko haze vamba ngwavo, Uze avatengele kufuma kukuputuka Avatengele nalunga napwevo, kaha ambile ngwenyi, Hakiko lunga mwasezela ise nanaye nakulinunga hamwe napwevo lyenyi, Kaha ava vavali navapwanga mujimba umwe.

Oloze Yesu ambile ngwenyi, Itavisenu vana vavandende vezenga kuli Ami, kanda namuvakanyisako, mwomwo wangana wamwilu wapwa wavo ava vangana.

Oloze vavavulu vavalemu navakapwa vakukuminamo, kaha vakukuminamo navakapwa vavalemu.

Kaha weshowo naseze jizuvo, chipwe vandumbwenyi vamalunga chipwe vamapwevo, chipwe ise, chipwe naye, [chipwe pwevo lyenyi,] chipwe vana venyi, chipwe mande enyi, halijina lyami, mwakatambwilaho mapapa likulukaji (100) havize naseze, nakuswana mwono wázeneka kukuma.

Yesu amwambile ngwenyi, nge unasake kukupuka mwosena, yako, lanjisa vyosena watwama navyo nakuhana vaka-kuhutwa, kaha naupwanga naluheto mwilu. Kaha twaya, ngukavangizenga.

Yesu amwambile ngwenyi, Mwomwo ika unanguhulisa hakuvuluka umwenemwene? Kuli Umwe kaha apwa wamwenemwene. Oloze nge unasake kwingila kumwono, linganga mwaya Jishimbi.

Cheka nawa nangumilweza ngwami, Ngana omu chakaluhwila ngamela kuhita muliso lyandongo, ngocho nawa chapwa chachikalu chikuma kuli muka-luheto kwingila muwangana waKalunga.

Kaha nangumilweza ngwami, Weshowo mwalukulula pwevo lyenyi chakuzeneka uze pwevo kulinga ujila, nakumbata weka, nalingi ujila. [Kaha weshowo mwambata uze válukulula nalingi ujila.]

Kaha Yesu ambile tumbaji twenyi ngwenyi, Mwamuchano nangumilweza ngwami, Chachikalu kuli muka-luheto kwingila muwangana wamwilu.