Popular Bible Verses from YUHANA 19

શેર કરો

Kũ à wɛ̃ pìi mì à pì: Yã làka. Akũ à a mìi pɛ̀tɛ à a wɛ̃̀ndii gbàrɛ.

Abire gbɛra Yesu dɔ̃ kũ a pínki pàpa. De yã kũ à kɛ̃na Luda yãn le à papa akũ à pì: Ími tɛni ma dɛ.

Kũ Yesu a da è kũ a ìba kũ à yeiio zɛna kɔ̃ sarɛ, à pì a danɛ: Nɔgbɛ̃, n nɛ́n di! Akũ à pì ìbaa pìinɛ: N dan di! Zaa zĩ birean ìbaa pìi a sɛ̀ à tà kãao a bɛa.

Kũ ò kà Yesu kĩnaa, ò è à gĩnakɛ à gà kɔ̀, akũ odi a gbá ɛ́'ɛro. Akũ sozanɔ doke Yesu zɔ̃̀ kũ sário a gbã̀ntɛrɛɛa. Gwe gɔ̃̀nɔ aru kũ ío bɔ̀tɛ.

Yã birenɔ kɛ̀ de yã kũ à kɛ̃na Luda yãn díkĩna papamɛ, ò pì: Oni a wá ke ɛ́ro. À kɛ̃na Luda yãn dɔ ò pì: Oni gbɛ̃ kũ ò a zɔ̃̀ gwa.

Yesu bò wɛ̃tɛ gũn à a zĩda lígbãndurukpana sɛna, à gɛ̀ɛ gu kũ òdi pi Mìtokokia, kũ Eberu yão sɔ̃ Gɔgɔta.

Akũ sozanɔ lɛ̀ fùraa tã̀ ò kùnɛ ò arukĩmba tɛ̃ra dànɛ.