Popular Bible Verses from Lik 8

શેર કરો

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Yɛ ɔ usali be kɛ: «?Nguɛ ti yɛ an lafi-man Nyanmiɛn su-ɔ?» Srɛ kunnin be, ɔ boli bé nuan, nan b'a usa be wiengu kɛ: «?Bian nga ti i liɛ sɛ b'ɔ man ɔ se aunngban'n nin nzue'n kɛ be jran'n bɔ be jran-an?»

Awie ng'ɔ tɔli atin mma nun'n, yɛlɛ be nga kɛ be ti Nyanmiɛn ndɛ'n, kpɛkuun mmusu'm bé si Satan'n ba, ɔ wa yo man ndɛ nga be tili'n ɔ mlin be klun nan b'a lafi-man su b'a nyan-man bé ti.

Afin sa fi su ka-man nvialiɛ nun b'ɔ su tɛ-man nglo-ɔ, yɛ aswre nun ndɛ fi su ka-man lɛ b'ɔ su fite-man su-ɔ.

Kɛ bla'n wunnin kɛ Jésus wunnin i'n, ɔ bɛli i nyrun lɛ nin usulɛ, ɔ kotoli i bo, yɛ sa nga ti yɛ ɔ kɛnnin i'n, ɔ nin juejue ng'ɔ yoli i osu kunngba nun'n, ɔ kɛnnin i kwlaa kleli sran mun. Jésus seli i kɛ: «N wa, n su bɔ a lafi'n ti, w'a nyan ɔ́ ti, gua ɔ wla ase, kɔ.»

Be wunngeli Jésus wun lɛ, be tinngeli i, be seli i kɛ: «Baba, Baba, e su wu o!» Kɛ ɔ tinngeli'n, ɔ ijɔli aunngban'n nin nzue'n, be jrannin, nan lika'n ɔ'a tɔ bliin.